ବାଲେଶ୍ବର: ରାଜ୍ୟରେ ଆଜି(ସୋମବାର)ଠାରୁ ଆରମ୍ଭ ହୋଇଛି ସଡ଼କ ସୁରକ୍ଷା ମାସ । ଏଥିଲାଗି ଜିଲ୍ଲା ଆଞ୍ଚଳିକ ପରିବହନ କାର୍ଯ୍ୟାଳୟ ପରିସରରୁ ଏକ ସଚେତନତା ରଥ ବାହାରିଛି । ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ ଏହି ରଥକୁ ପତାକା ଦେଖାଇ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି ।
ସଡ଼କ ସୁରକ୍ଷାକୁ ଦୃଷ୍ଟିରେ ରଖି ବିଭିନ୍ନ ସ୍ଥାନରେ କାନ୍ଥରେ ବ୍ୟାନର, ରାଲି ଦ୍ବାରା ଲୋକଙ୍କୁ ସଚେତନ କରାଯିବ । ଏହାରି ଭିତରେ ଟ୍ରାଫିକ ନିୟମ ଉଲ୍ଲଙ୍ଘନକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଟ୍ରାଫିକ ନିୟମ ମାନିବା ପାଇଁ ପ୍ରତିଶୃତି ଭାବରେ ଏକ ଦସ୍ତଖତ ସଂଗ୍ରହ କରାଯାଇଛି ।
ଏହି କାର୍ଯ୍ୟକ୍ରମ 18 ଜାନୁଆରୀରୁ ଆସନ୍ତା ମାସ ଫେବୃଆରୀ 17 ତାରିଖ ପର୍ଯ୍ୟନ୍ତ ଜିଲ୍ଲାର ବିଭିନ୍ନ ସ୍ଥାନରେ ଜାରି ରହିବ । ଏହି ରଥ ଜିଲ୍ଲାରେ ବୁଲି ଲୋକମାନଙ୍କୁ ଗାଡ଼ି ଚଲାଉଥିବା ସମୟରେ ସମସ୍ତ ନିୟମ ମାନିବାକୁ ସଚେତନ କରାଯିବାର ଲକ୍ଷ୍ୟ ରଖାଯାଇଛି । ତେବେ ଏହି ଉଦଘାଟନୀ ଉତ୍ସବରେ ଆରଟିଓ ରଶ୍ମିରଞ୍ଜିତ ଦଳବେହେରା, ଏମଭିଆଇ ବିଶ୍ବଜିତ ଦାସ ପ୍ରମୁଖ ଉପସ୍ଥିତ ରହିଥିଲେ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
