ବାଲେଶ୍ବର: ରେଳ ଷ୍ଟେସନରେ ଜଣେ ଅବସରପ୍ରାପ୍ତ ବିଦ୍ୟୁତ କର୍ମଚାରୀଙ୍କ ଟ୍ରେନ ଧକ୍କାରେ ମୃତ୍ୟୁ ହୋଇଥିବା ଜଣାପଡିଛି । ସହରର ନେଲିଆବାଗ ଅଞ୍ଚଳର ଅବସରପ୍ରାପ୍ତ ବିଦ୍ୟୁତ କର୍ମଚାରୀ ଗଦାଧର ଦୀକ୍ଷିତ ଆଜି ସକାଳେ ବାଲେଶ୍ବରରୁ ବାସୁଦେବପୁର ଅଭିମୁଖେ ବାହାରିଥିଲେ।
ଭିଡିଓ ସୌଜନ୍ୟ- ସମ୍ବାଦଦାତା, ବାଲେଶ୍ବର
ତେବେ ରେଳଲାଇନ ଅତିକ୍ରମ କରୁଥିବା ବେଳେ ଗଦାଧରଙ୍କୁ ଟ୍ରେନ ଧକ୍କା ଦେଇଥିଲା। ଫଳରେ ଟ୍ରେନ ଲାଇନ ଉପରେ ହିଁ ଗଦାଧରଙ୍କ ଶରୀର ଖଣ୍ଡ ବିଖଣ୍ଡିତ ହୋଇଯାଇଥିଲା ।
ଅନ୍ୟପଟେ ଖବର ପାଇ ଘଟଣାସ୍ଥଳରେ ଜିଆରପି ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
