ବାଲେଶ୍ଵର: ଜିଲ୍ଲାର ବିଭିନ୍ନ ଅଞ୍ଚଳରେ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ନକଲି ଓ ଦେଶୀ ମଦ ଜବତ କରାଯାଇଛି। ଏହାସହ ମଦ କାରବାରରେ ସମ୍ପୃକ୍ତ ୩ ଜଣଙ୍କୁ ଗିରଫ କରିବା ସହିତ ୨ଟି ସ୍କୁଟି ଜବତ କରାଯାଇଛି ।
ବାଲେଶ୍ବରରେ ଅବକାରୀ ବିଭାଗର ଚଢାଉ: ନକଲି ମଦ ଜବତ, ୩ ଗିରଫ
ମିଳିଥିବା ସୂଚନା ଅନୁସାରେ, ବାଲେଶ୍ଵର ଅବକାରୀ ମୋବାଇଲ ୟୁନିଟ ପକ୍ଷରୁ ରବିବାର ଭୋର ସମୟରେ ସୋର ଓ ସିମୁଳିଆ ଅଞ୍ଚଳରେ ଚଢ଼ାଉ କରାଯାଇଥିଲା। ସୋର କୋର୍ଟ ଛକ ନିକଟରୁ ୨୮୦ ଲିଟର ଦେଶୀମଦ ଓ ୨ଟି ସ୍କୁଟି ଜବତ କରିବା ସହ ବେପାରୀ ମନୋରଞ୍ଜନ ଧଡାଙ୍କୁ ଗିରଫ କରିଥିଲା । ସେହିପରି ସିରାପୁର ଗ୍ରାମର ଶଶିକାନ୍ତ ମହାନ୍ତିଙ୍କୁ ଗିରଫ କରିବା ସହ ତାଙ୍କ ନିକଟରୁ ୧୧ ଲିଟର ନକଲି ମଦ ଓ ସିମୁଳିଆ ବାତୁଳି ଗ୍ରାମର ହଳଧର ମଲ୍ଲିକଙ୍କୁ ମଦ କାରବାର ଅଭିଯୋଗରେ ଗିରଫ କରାଯାଇଛି ।
କରୋନା ପାଇଁ ଲକଡାଉନ ହୋଇଥିବା ବେଳେ ଚୋରାରେ ମଦ ବିକ୍ରିକୁ ନେଇ ପ୍ରଶାସନ ସଜାଗ ହେଉଥିବା ଦେଖିବାକୁ ମିଳିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
