ବାଲେଶ୍ଵର: ଅଭିଯୁକ୍ତକୁ ଧରିବାକୁ ଯାଇ ନାକେଦମ ହେଲା ପୋଲିସ । ବାଲେଶ୍ଵର ଜିଲ୍ଲା ବାଉଁଶବଣିଆ ପଞ୍ଚାୟତର ଛୋଟକାନପୁର ଗାଁର ଅଭିଯୁକ୍ତ ସପକ୍ଷରେ ଟାୟାର ଜାଳି ରାସ୍ତାରୋକ କରିଛନ୍ତି ସ୍ଥାନୀୟ ଲୋକେ । ସୂଚନ ଅନୁସାରେ, ଗାଁର ବିଶ୍ବଜିତ ଦଳେଇ, ଗୌରାଙ୍ଗ ପାତ୍ରଙ୍କୁ ମଦ୍ୟପାନ କରି ଅଶ୍ଳୀଳ ଭାଷାରେ ଗାଳିଗୁଲଜ କରି ଠେଙ୍ଗାରେ ଆକ୍ରମଣ କରିଥିଲେ ।
ଅଭିଯୁକ୍ତକୁ ଧରିବାକୁ ଯାଇ ନାକେଦମ ପୋଲିସ
ଏନେଇ ଥାନାରେ ଅଭିଯୋଗ ହୋଇଥିଲା। ଅଭିଯୋଗ କ୍ରମେ ପୋଲିସ ଅଭିଯୁକ୍ତଙ୍କୁ ଧରିବା ପାଇଁ ଯାଇଥିବା ବେଳେ ନାକେଦମ ହୋଇଛି। ଗ୍ରାମବାସୀମାନେ ଗିରଫଦାରୀକୁ ଏଡ଼ାଇବା ପାଇଁ ରାସ୍ତାରେ ଟାୟାର ଜାଳି ରାସ୍ତାରୋକ କରିଥିଲେ। ଦୀର୍ଘ ସମୟ ଜନତା ଓ ପୋଲିସ ମୁହାଁମୁହିଁ ହେବାପରେ ଅଭିଯୁକ୍ତ ଓ ତାଙ୍କ ମା’ଙ୍କୁ ଗିରଫ କରାଯାଇଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
