ବାଲେଶ୍ଵର: ଅଙ୍ଗନବାଡି କେନ୍ଦ୍ରରେ ପିଲାଙ୍କୁ ଦିଆଯାଉଛି ପ୍ଲାଷ୍ଟିକ ଅଣ୍ଡା ! ଏଭଳି ଅଭିଯୋଗ ଆସିଛି ବାଲେଶ୍ଵର ଜିଲ୍ଲା ଜଳେଶ୍ବର ବ୍ଲକ ସୁଖଦୁଃଖିଆ ଅଙ୍ଗନବାଡି କେନ୍ଦ୍ରରୁ । ଯେଉଁଠାରେ ପିଲାମାନଙ୍କୁ ଶନିବାର ପ୍ଲାଷ୍ଟିକ ଅଣ୍ଡା ଦିଆଯାଇଥିବା ଅଭିଭାବକମାନେ କହିଛନ୍ତି । ଅଣ୍ଡା ଗୁଡିକୁ ଭାଙ୍ଗିଲେ ତାହା ପ୍ଲାଷ୍ଟିକ ଭଳି ଟାଣ ଲାଗୁଥିବା ଜଣାପଡିଛି। ଜଳେଶ୍ବର ବଜାରରୁ ଏହି ଅଣ୍ଡା କିଣାଯାଇ ପିଲାମାନଙ୍କୁ ଦିଆଯାଇଥିବା ଜଣାପଡିଛି।
ଅନ୍ୟପଟେ ପ୍ଲାଷ୍ଟିକ ଅଣ୍ଡା ଜଳେଶ୍ବର ବଜାରରେ ବୁଲିବା ଘଟଣା ଲୋକଙ୍କ ମନରେ ଭୟ ସୃଷ୍ଟି କରିଛି। ଏ ଦିଗରେ ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି ।
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ