ବାଲେଶ୍ବର: ତୃତୀୟ ଶ୍ରୀକ୍ଷେତ୍ର ଭାବେ ପରିଚିତ ନୀଳଗିରି ବାହୁଡାଯାତ୍ରାର ଆଜି(13 ଜୁଲାଇ) ଦ୍ୱିତୀୟଦିନ । ଦ୍ବିତୀୟ ଦିନରେ ଲକ୍ଷାଧିକ ଶ୍ରଦ୍ଧାଳୁଙ୍କ ଗହଣରେ ରଥ ଟଣାଯାଇଛି । ଶୁକ୍ରବାର ଗୁଣ୍ଡିଚାମନ୍ଦିରରୁ ଚତୁର୍ଦ୍ଧାମୂର୍ତ୍ତି ପହଣ୍ଡି ହୋଇ ରଥାରୂଢ ହୋଇଥିଲେ । ଆଜି ପୁଣି ପୁରା ପରିବେଶ ଜଗନ୍ନାଥ ଧ୍ୱନିରେ ପ୍ରକମ୍ପିତ ହୋଇଥିଲା ।
ସେହିପରି ରାଧାକିଶୋର ଜୀଉଙ୍କ ପାଇଁ ନିର୍ମିତ ରଥକୁ ମହିଳାମାନେ ଟାଣିଥିଲେ । ଅଧରାସ୍ତା ପର୍ଯ୍ୟନ୍ତ ପରମ୍ପରା ଅନୁସାରେ ତିନିଠାକୁରଙ୍କ ରଥ ଟଣାଯାଇଥିଲା । ତିନିଠାକୁର ରଥରେ ରାତ୍ରିଯାପନ କରିବାପରେ ଆସନ୍ତାକାଲି ରଥଟଣାଯାଇ ଜଗନ୍ନାଥ ମନ୍ଦିରରେ ପହଞ୍ଚିବେ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଅନ୍ୟପଟେ ଇମାମି ନଗରରେ ମହାପ୍ରଭୁଙ୍କ ସୁନାବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି । ସକାଳ 6ଟାରୁ ସନ୍ଧ୍ୟା ଯାଏ ଭକ୍ତମାନେ ମହାପ୍ରଭୁଙ୍କୁ ସୁନାବେଶରେ ଦର୍ଶନ କରିଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
