ବାଲେଶ୍ବର: ଚାନ୍ଦିପୁର କ୍ଷେପଣାସ୍ତ୍ର ଘାଟିର 3ନଂ ଲଞ୍ଚପ୍ୟାଡ଼ରୁ ଉତ୍କ୍ଷେପଣ ହେଲା ନ୍ୟୁ ଜେନେରେସନ୍ ଆକାଶ ମିସାଇଲ । 12ଟା 45 ମିନିଟ୍ରେ ଏହି ପରୀକ୍ଷା କରାଯାଇଛି ।
ଆଜି(ବୁଧବାର) ବାଲେଶ୍ବର ଜିଲ୍ଲା ଚାନ୍ଦିପୁର କ୍ଷେପଣାସ୍ତ୍ର ଘାଟିରୁ ନ୍ୟୁ ଜେନେରେସନ୍ ଆକାଶ ମିସାଇଲ ପରୀକ୍ଷଣ କରାଯାଇଛି । ଏହା ଭୂପୃଷ୍ଠରୁ ଆକାଶକୁ ଲକ୍ଷ୍ୟଭେଦ କରିପାରୁଥିବା ମଧ୍ୟମ ଦୂରଗାମୀ କ୍ଷେପଣାସ୍ତ୍ର । ଏହି ନ୍ୟୁ ଜେନେରେସନ୍ ଆକାଶ ମିସାଇଲର ଲକ୍ଷ୍ୟଭେଦ କ୍ଷମତା 70 କିଲୋମିଟର ରହିଛି । ପରୀକ୍ଷାରେ ରାଡ଼ାରରୁ ମିଳିଥିବା ତଥ୍ୟକୁ ସମୀକ୍ଷା କରୁଛନ୍ତି ପ୍ରତିରକ୍ଷା ବିଭାଗର ବୈଜ୍ଞାନିକମାନେ । ଏହା ପରେ ଏହି ମିସାଇଲର କାର୍ଯ୍ୟକାରିତା ଉପରେ ତଥ୍ୟ ସ୍ପଷ୍ଟ ହେବ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
