ବାଲେଶ୍ଵର: ରୁପ୍ସା ଥାନା ଅଞ୍ଚଳର ନିଖୋଜ ଥିବା ନାବାଳକ ଉଦ୍ଧାର । ରୁପ୍ସା ଜଙ୍କସନ ପରିସରରେ ଏକାକୀ ଶୋଇଥିବା ଅବସ୍ଥାରେ ଉଦ୍ଧାର କଲା ରେଳବାଇ ପୋଲିସ । ଜୁନ ୧୮ ତାରିଖରୁ ନିଖୋଜ ଥିଲା ନାବାଳକ ।
ସୂଚନା ଅନୁସାରେ ହାତିଆଡିହା ଗ୍ରାମର ସୁକାନ୍ତ ରାଉତ ପାଠ ପଢ଼ିବାକୁ ନେଇ ତାଙ୍କ ପୁଅକୁ ତାଗିଦ କରିଥିଲେ । ଏହା ପରେ ନାବାଳକଟି ଗତ ଜୁନ ୧୮ ତାରିଖରୁ ଘର ଛାଡ଼ି କେଉଁଆଡ଼େ ପଳାଇ ଯାଇଥିଲା । ବହୁ ଖୋଜାଖୋଜି କରିବା ପରେ ମଧ୍ୟ ନପାଇବାରୁ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ତେବେ ଆଜି(ରବିବାର) ରୁପ୍ସା ଜଙ୍କସନରୁ ରେଳବାଇ ପୋଲିସ ତାକୁ ଉଦ୍ଧାର କରି ଚାଇଲଡ ଲାଇନକୁ ହସ୍ତାନ୍ତର କରିଥିଲା । ବର୍ତ୍ତମାନ ନାବାଳକକୁ cwcରେ ଛଡା ଯାଇଥିବା ସୂଚନା ମିଳିଛି ।
ଇଟିଭି ଭାରତ, ବାଲେଶ୍ବର
