ବାଲେଶ୍ୱର: ବାଲିଆପାଳ ବ୍ଲକ ବାମୁଲ ଦୁଗ୍ଧ ଶିତଳୀ କେନ୍ଦ୍ରରେ ଦୁଗ୍ଧ ଚାଷୀମାନେ ଧାରଣାରେ ବସିଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲୋଶ୍ବର
ବାମୁଲ ପକ୍ଷରୁ କରାଯାଇଥିବା ଶିତଳୀ କେନ୍ଦ୍ରରେ ପ୍ରତ୍ୟେକ ଦିନ ୬୦୦୦ ଲିଟର କ୍ଷୀର ବିକ୍ରି କରାଯାଇଥାଏ । ୧୮ଟି ସୋସାଇଟିର ସଦସ୍ୟ ମାନେ ଚାଷୀଙ୍କଠାରୁ କ୍ଷୀର ଆଣି ପ୍ରତ୍ୟେକ ଦିନ ଶିତଳ ଭଣ୍ଡାରରେ ବିକ୍ରି କରିଥାନ୍ତି । କ୍ଷୀର ମାନ ପରୀକ୍ଷା କରିବା ପରେ ସେଥିରେ କଷ୍ଟିକ ସୋଡା ଭଳି ଜୀବନ ହାନିକାରକ କେମିକାଲ ମିଶାଯାଇ ଓମଫେଡ କମ୍ପାନୀକୁ ବିକ୍ରି କରାଯାଉଥିବା ସୂଚନା ମିଳିଛି ।
ପ୍ରତ୍ୟେକ ଦିନ କ୍ଷୀର ମାନ ପରୀକ୍ଷା କରିବା ପରେ ଅନୀୟମିତତା ଦର୍ଶାଇ ଚାଷୀଙ୍କୁ କମ୍ପାନୀ ପକ୍ଷରୁ ଲୁଟ କରାଯାଉଛି ବୋଲି ଚାଷୀମାନେ ଅଭିଯୋଗ କରିଛନ୍ତି । ଏପଟେ ଚାଷୀ ମାନେ ଅପମିଶ୍ରଣ କରୁଥିବା କମ୍ପାନୀ ଓଲଟା ଅଭିଯୋଗ କରିଛି ।
ତେବେ ଚାଷୀମାନେ ସେମାନଙ୍କର ଉଚିତ ମୂଲ୍ୟ ପାଇବାକୁ ଦାବି କରି ଶିତଳ ଭଣ୍ଡାର ସମ୍ମୁଖରେ ଆନ୍ଦୋଳନ ଜାରି ରଖିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
