ବାଲେଶ୍ବର: ଯୁବ ବ୍ୟବସାୟୀଙ୍କ ଠାରୁ ଲୁଟ ଉଦ୍ୟମ ପଣ୍ଡ । ଦୁଇ ଦୁର୍ବୃର୍ତ୍ତଙ୍କୁ ଧରିଲେ ଲୋକେ । ନିର୍ଦ୍ଧୁମ ଛେଚିବା ପରେ ପୋଲିସ ଜିମାରେ ଦେଲେ । ଏପରି ଘଟଣା ଘଟିଛି ବାଲେଶ୍ବର ଜଳେଶ୍ବର ଥାନା ଜମାଲପୁର ବାଇପାସ ନିକଟରେ ।
ଯୁବ ବ୍ୟବସାୟୀ ଅଭିମନ୍ୟୁ ସାହୁ ଘରକୁ ଫେରିଥିବାବେଳେ ଦୁଇ ଜଣ ଦୁର୍ବୃର୍ତ୍ତ ବାଇକରେ ଆସି ତାଙ୍କ ପାଖରୁ ବ୍ୟାଗ ଛଡାଇବାକୁ ଚେଷ୍ଟା କରିଥିଲେ । କୌଶଳକ୍ରମେ ଅଭିମନ୍ୟୁ ଦୁଇ ସେମାନଙ୍କୁ ଧାନ ବିଲକୁ ଠେଲି ଦେଇଥିଲେ । ବିଲରେ କାମ କରୁଥିବା ଲୋକେ ଏହି ଦେଖି ଲୁଟେରାଙ୍କୁ କାବୁ କରିବା ସହ ମାଡ ମାରିଥିବା ଜଣାପଡିଛି। ପରେ ଉଭୟଙ୍କୁ ପୋଲିସ ଜିମାରେ ଦିଆଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଅନ୍ୟପଟେ ଅଭିମନ୍ୟୁ ଗାଡିରୁ ପଡି ଗୁରୁତର ଆହତ ହୋଇଥିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
