ବାଲେଶ୍ବର: ଜିଲ୍ଲାର ବିଭିନ୍ନ ସ୍ଥାନରେ ଚଢାଉ କରି ବିପୁଳ ପରିମାଣର ମଦ ଜବତ ହୋଇଛି । ଏଥିସହ ମାମଲାରେ ସମ୍ପୃକ୍ତ 2 ଜଣ ଗିରଫ ହୋଇଛନ୍ତି । ଗିରଫ ଅଭିଯୁକ୍ତ ହେଲେ ଜୟନ୍ତ ବେହେରା ଓ ବିଜୟ ନାୟକ । ଜିଲ୍ଲାପାଳ ଓ ଅବକାରୀ ଅଧିକ୍ଷକଙ୍କ ନିର୍ଦ୍ଦେଶ କ୍ରମେ ଏହି ଚଢାଉ କରାଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଅବକାରୀ ଭ୍ରାମ୍ୟମାଣ ୟୁନିଟର ଇନଚାର୍ଜ ଉଦେଲାଲ ନାୟକଙ୍କ ନେତୃତ୍ବରେ ଆଜି ଜଳେଶ୍ବର ଓ ଲିଙ୍ଗଳେଶ୍ବର ଅଞ୍ଚଳରେ ଚଢାଉ କରାଯାଇଥିଲା । ଏହି ଚଢାଉ ବେଳେ ସାର୍ଥା ଅଞ୍ଚଳର ଜୟନ୍ତ ନିକଟରୁ 50 ଲିଟର ଦେଶୀ ମଦ ଜବତ କରାଯାଇଥିଲା । ସେହିପରି ଲଙ୍ଗଳେଶ୍ବର ଅଞ୍ଚଳର ବିଜୟ ଘରୁ 29 ଲିଟର ବିଦେଶୀ ମଦ ଓ 73 ଲିଟର ବିଅର ଜବତ ହୋଇଥିଲା ।
ତେବେ ଆଗକୁ ପୂଜା ଥିବାରୁ ରାଜ୍ୟରେ ଅପରାଧ ମାତ୍ରା କମ କରିବାକୁ ଅବକାରୀ ବିଭାଗ ତତ୍ପର ଥିବା ଦେଖିବାକୁ ମିଳିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
