ବାଲେଶ୍ଵର: ବିପୁଳ ପରିମାଣରେ ମଦ ଜବତ, ଦୁଇ ଗିରଫ । ବାଲେଶ୍ବର ଜିଲ୍ଲା ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ମଦ, ବାଇକ ସହ ଦୁଇଜଣଙ୍କୁ ଗିରଫ କରାଯାଇଛି।
ବିପୁଳ ପରିମାଣରେ ମଦ ଜବତ ସହ ଦୁଇ ଗିରଫ, 5 ବାଇକ ଜବତ
ବାଲେଶ୍ବର ଜିଲ୍ଲା ଖନ୍ତାପଡା ଥାନା ଅନ୍ତର୍ଗତ ନିମିକି ରାସ୍ତା କାନକଟା ଠାରେ ଅବକାରୀ ବିଭାଗ ପେଟ୍ରୋଲିଂ କରୁଥିବା ବେଳେ ବାଇକରେ ମଦ ନେଇ ଯାଉଥିବା ନଜରକୁ ଆସିଥିଲା । ବିଭାଗ ପକ୍ଷରୁ ଚଢ଼ାଉ କରାଯାଇ 5 ଟି ବାଇକ ସହ ଦୁଇଜଣଙ୍କୁ ଗିରଫ କରାଯାଇଛି । ଘଟଣା ସ୍ଥଳରୁ 3ଜଣ ଦୌଡ଼ି ପଳାଇଥିଲାବେଳେ ସେମାନଙ୍କ ନିକଟରୁ 8ଶହ ଲିଟର ଦେଶୀମଦ ଜବତ କରାଯାଇଛି ।
ବେପାରିମାନେ ମଦ ନେଇ ସୋର ଅଭିମୁଖେ ଯାଉଥିଲେ । ଜବତ ମଦର ଆନୁମାନିକ ମୂଲ୍ୟ 75 ହଜାରରୁ ଅଧିକ ହେବବୋଲି ଜଣାପଡ଼ିଛି । ଗିରଫ ଅଭିଯୁକ୍ତ ମାନେ ପୁରୁଣା ବାଲେଶ୍ଵର ଅଞ୍ଚଳର କାର୍ତ୍ତିକ ସାମଲ ଓ ବରହମପୁର ଅଞ୍ଚଳର ଅଭିଜିତ ସ୍ବାଇଁ ବୋଲି ସୂଚନା ମିଳିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ,ଇଟିଭି ଭାରତ
