ବାଲେଶ୍ଵର: ଜିଲ୍ଲା ଅବକାରୀ ବିଭାଗ ମୋବାଇଲ ୟୁନିଟ ପକ୍ଷରୁ ଚଢାଉ କରାଯାଇ ବିପୁଳ ପରିମାଣର ଦେଶୀ ମଦ ଜବତ କରାଯାଇଛି । ଏହାସହ ଗୋଟିଏ ଇଣ୍ଡିକା କାର ଓ ବାଇକ ମଧ୍ୟ ଜବତ କରାଯାଇଛି । ମଦ କାରବାରରେ ସମ୍ପୃକ୍ତ ଥିବା ଜଣେ ବେପାରୀଙ୍କୁ ଗିରଫ କରାଯାଇଛି ।
ବିପୁଳ ପରିମାଣର ମଦ ଜବତ, ଜଣେ ଗିରଫ
ମିଳିଥିବା ସୂଚନା ଅନୁସାରେ, ସିମୁଳିଆ ଥାନା ନିକଟ ଜାତୀୟ ରାଜପଥରେ ଅବକାରୀ ମୋବାଇଲ ୟୁନିଟ ପେଟ୍ରୋଲିଂ କରୁଥିଲା । ବାଲେଶ୍ବରରୁ ଭଦ୍ରକ ଅଭିମୁଖେ ଏକ ସ୍କୁଟି ଓ କାର ଯିବା ଦେଖି ଯାଞ୍ଚ କରାଯାଇଥିଲା । ସ୍କୁଟି ଚାଳକଙ୍କ ପାଖରୁ 80 ଲିଟର ଓ କାର ଭିତରୁ 560 ଲିଟର ମଦ ଜବତ ହୋଇଥିଲା ।
ତେବେ କାର ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିବାବେଳେ ସ୍କୁଟି ଚାଳକ ବଳରାମ ବେହେରାଙ୍କୁ ଗିରଫ କରିଛି ଅବକାରୀ ବିଭାଗ । ଏହାସହ କାର ଓ ସ୍କୁଟିକୁ ଜବତ କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
