ବାଲେଶ୍ଵର: ବେଆଇନ ଗୋଚାଲାଣବେଳେ 40 ଗୋରୁ ଉଦ୍ଧାର କଲା ପୋଲିସ । ବାଲେଶ୍ବର ଜିଲ୍ଲା 16 ନଂ ଜାତୀୟ ରାଜପଥ ସିମୁଳିଆ ଠାରେ ବେଆଇନ ଭାବେ ଖୋର୍ଦ୍ଧାରୁ ପଶ୍ଚିମବଙ୍ଗକୁ ଚାଲାଣ ହେଉଥିବା 40ଟି ଗୋରୁ ଉଦ୍ଧାର କରିବା ସହ କଣ୍ଟେନର ଜବତ କରିଛି ପୋଲିସ ।
ବେଆଇନ ଗୋଚାଲାଣ ବେଳେ 40 ଗୋରୁ ଉଦ୍ଧାର, କଣ୍ଟେନର ଜବତ
ସୂଚନା ଅନୁଯାୟୀ ସିମୁଳିଆ ପୋଲିସ ପେଟ୍ରୋଲିଂ କରୁଥିବା ବେଳେ ଏକ କଣ୍ଟେନର ଉପରେ ସନ୍ଦେହ ହେବାରୁ ତାକୁ ଅଟକାଇ ଯାଞ୍ଚ କରିଥିଲା । ଏହାପରେ ସେଥିରୁ 40 ଟି ଗୋରୁ ବେଆଇନ ଭାବେ ଚାଲାଣ କରାଯାଉଥିବା ଜଣାପଡିଥିଲା । ସିମୁଳିଆ ପୋଲିସ ଗୋରୁ ଗୁଡିକୁ ଉଦ୍ଧାର କରି ଗୋଶାଳାରେ ଛାଡିବା ସହ ଡ୍ରାଇଭରକୁ ଅଟକ ରଖିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
