ବାଲେଶ୍ୱର: ଜିଲ୍ଲାର ସିମୁଳିଆ ଥାନା ଅଞ୍ଚଳରୁ ଏକ ଶିଶୁ କନ୍ୟାର ମୃତଦେହ ଉଦ୍ଧାର ହୋଇଛି । ଶିଶୁଟିର ବୟସ ଏକ ବର୍ଷ ହୋଇଥିବା ଜଣାପଡିଛି।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ୱର
ସୂଚନାନୁସାରେ, ମୁରୁଣା ପଞ୍ଚାୟତ ମଞ୍ଜରୀପୁର ଅଞ୍ଚଳରେ ଥିବା କେନାଲ ବନ୍ଧ କୂଳରେ ଶିଶୁ କନ୍ୟାଟି ଭାସୁଥିବା ଜଣେ ମାଛ ଧରାଳି ଦେଖିବାକୁ ପାଇଥିଲେ । ଶିଶୁଟି ମୃତ ଥିବା ଜାଣି ମାଛ ଧରାଳି ତାକୁ ଏକ ବୁଦା ମୂଳରେ ପକାଇ ଦେଇଥିଲେ । ପରେ ଗ୍ରାମବାସୀ ବୁଦା ମୂଳରେ ପଡିଥିବା ଶିଶୁ କନ୍ୟାକୁ ସିମୁଳିଆ ଡାକ୍ତରଖାନାରେ ଭର୍ତ୍ତି କରିଥିଲେ । ମାତ୍ର ଡାକ୍ତର ତାକୁ ମୃତ ଘୋଷଣା କରିଥିଲେ ।
ବର୍ତ୍ତମାନ ଯାଏଁ ଶିଶୁ କନ୍ୟାଟି କାହାର ବୋଲି ଜଣାପଡି ନଥିବାବେଳେ ସିମୁଳିଆ ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
