ବାଲେଶ୍ବର: ରାସ୍ତାକାମକୁ ନେଇ ସରପଞ୍ଚଙ୍କ ସମର୍ଥକ ଓ ଜମି ମାଲିକଙ୍କ ମଧ୍ୟରେ ଗଣ୍ଡଗୋଳ । ଘଟଣାରେ ଜମି ମାଲିକ ଓ ତାଙ୍କ ମା’ ଗୁରୁତର ହୋଇଥିବା ସୂଚନା । ଉଭୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇ ଚିକିତ୍ସା ଜାରି । ଅନ୍ୟପଟେ ଘଟଣାରେ ସଦର ପୋଲିସର ତଦନ୍ତ ଆରମ୍ଭ ।
ଘଟଣାଟି ହେଉଛି ସଦର ଥାନା ଅନ୍ତର୍ଗତ ବଇଞ୍ଚାର । ଯେଉଁଠାରେ କମଳ ଲୋଚନ ବେହେରାଙ୍କ ଜମି ଉପର ଦେଇ ପଞ୍ଚାୟତର ରାସ୍ତାକାମ ହେଉଥିବା ଅଭିଯୋଗ ହେଉଛି । ଏହି ରାସ୍ତା କାମକୁ କମଳ ଓ ତାଙ୍କ ପରିବାର ବିରୋଧ କରିବାରୁ ସକାଳେ କମଳଙ୍କ ମା’ଙ୍କୁ ସରପଞ୍ଚଙ୍କ କିଛି ସମର୍ଥକ ଆକ୍ରମଣ କରିଥିଲେ । ମା’ଙ୍କୁ ଡାକ୍ତରଖାନାରେ ଚିକିତ୍ସା କରାଇ ଫେରିବା ସମୟରେ ପୁଣି କିଛି ସମର୍ଥକ ଉଭୟ କମଳ ଓ ତାଙ୍କ ମା’ଙ୍କୁ ପୁଣି ଆକ୍ରମଣ କରି ଲହୁଲୁହାଣ କରି ଦେଇଥିଲେ ।
କମଳଙ୍କ ଅଭିଯୋଗ ମୁତାବକ ସରପଞ୍ଚଙ୍କ 5ରୁ 6 ଜଣ ସମର୍ଥକ ଲୁହା ରଡରେ ସେମାନଙ୍କୁ ଆକ୍ରମଣ କରିଥିଲେ । ଫଳରେ କମଳଙ୍କ ଡାହାଣ ଆଖିରେ ଗଭୀର ଆଘାତ ଲାଗିଥିବା ଦେଖିବାକୁ ମିଳିଛି । ତେଣେ ଅଭିଯୋଗ ଆଧାରରେ ସଦର ପୋଲିସ ତଦନ୍ତ ଆରମ୍ଭ କରିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
