ବାଲେଶ୍ବର: ପାରିବାରିକ କଳହର କରୁଣ ପରିଣତି । ପାରିବାରିକ ମତାନ୍ତରକୁ ନେଇ କିରୋସିନି ଢାଳି ହୋଇ ମହିଳାଙ୍କ ଆତ୍ମହତ୍ୟା ଉଦ୍ୟମ । ଶେଷରେ ଗୁରୁତର ଅବସ୍ଥାରେ ମେଡିକାଲରେ ଆଖି ବୁଜିଲେ ମହିଳା । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ବର ଖଇରା ଥାନା ଅଧିନସ୍ଥ ଦୁମୁହାଁଣି ଗାଁରେ ।
ମୃତ ମହିଳା ହେଲେ ଶାଳଗାଡିଆ ଗାଁର ଭାଗିରଥି ସାହୁଙ୍କ ସ୍ତ୍ରୀ ଚାନ୍ଦିନୀ ସାହୁ । ପ୍ରକାଶ ଯେ, ଗତ 4 ବର୍ଷ ତଳେ ଉଭୟଙ୍କ ବିବାହ ହୋଇଥିଲା । ଅଭାବ ଅନଟନକୁ ନେଇ ପରିବାରରେ ସର୍ବଦା ଅସନ୍ତୋଷ ଲାଗି ରହୁଥିଲା । ହେଲେ ଶନିବାର ଉଭୟଙ୍କ ତିକ୍ତତା ଉଗ୍ରରୂପ ନେଇଥିଲେ । ଉତକ୍ଷିପ୍ତ ହୋଇ କିରୋସିନି ଢାଳି ଆତ୍ମହତ୍ୟା କରିଥିଲେ ଚାନ୍ଦିନୀରେ । ଶାଶୂଘର ଲୋକେ ତାଙ୍କୁ ମେଡିକାଲ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏପଟେ ଚାନ୍ଦିନୀଙ୍କ ବାପଘର ଲୋକ ହତ୍ୟା ଅଭିଯୋଗ ଆଣିଛନ୍ତି । ଅଭିଯୋଗ ଆଧାରରେ ପୋଲିସ ଭାଗୀରଥୀଙ୍କୁ ଅଟକ ରଖି ପଚରାଉଚୁରା ଜାରି ରଖିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ ଓ ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
