ପୋଲ ତଳକୁ ଖସିଲା ଡ଼ମ୍ପର, ଜଣେ ମୃତ

ବସ୍ତାରେ ପୋଲ ତଳକୁ ଡ଼ମ୍ପର ଖସି ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର । ଗୁରୁତର ଜଣକ ବାଲେଶ୍ବର ମୁଖ୍ୟ ଚିକିତ୍ସାଳୟରେ ଭର୍ତ୍ତି ।

ବାଲେଶ୍ୱର: ବସ୍ତା ଥାନା ଅଞ୍ଚଳରେ ଏକ ଡ଼ମ୍ପର ପୋଲ ତଳକୁ ଖସି ପଡିବାରୁ ଜଣଙ୍କ ମୃତ୍ୟୁ ହେବା ସହ ଡ୍ରାଇଭର ଗୁରୁତର ଅବସ୍ଥାରେ ମେଡିକାଲରେ ଚିକିତ୍ସିତ ହେଉଥିବା ଜଣାପଡିଛି । ମୃତ ଯୁବକ ଜଣଙ୍କ ଆଙ୍ଗୁଳା ଅଞ୍ଚଳର ସାଗର ସାହୁ ବୋଲି ଜଣାପଡିଛି ।

ସୋର ଥାନା ଆଙ୍ଗୁଳା ଅଞ୍ଚଳର ଡ଼ମ୍ପର ବସ୍ତା ଅଞ୍ଚଳକୁ ଚିପ୍‌ସ ନେଇ ଯାଇଥିଲା । ଫେରିବା ବେଳେ ମଥାନି ନିକଟରେ ଭାରସାମ୍ୟ ହରାଇ ଡ଼ମ୍ପରଟି ପୋଲ ତଳକୁ ଖସି ପଡ଼ିଥିଲା । ଏଥିରେ ଡ୍ରାଇଭର ଗୁରୁତର ହୋଇ ବାଲେଶ୍ୱର ମେଡିକାଲରେ ଚିକିତ୍ସିତ ହେଉଥିବା ବେଳେ ଅନ୍ୟ ଜଣେ ସହଯୋଗୀଙ୍କ ମୃତ୍ୟୁ ହୋଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ