ବାଲେଶ୍ୱର: ଜିଲ୍ଲାର ସୋର ମେଡିକାଲ ନିକଟରେ ଘଟିଛି ଏକ ଅଭାବନୀୟ ଘଟଣା । ଏକ ମୃତ ଶିଶୁକନ୍ୟାକୁ କୁକୁର ଝୁଣି ଖାଉଥିବାର ଦୃଶ୍ୟ ଦେଖିବାକୁ ମିଳିଛି ।
ସୂଚନା ଅନୁସାରେ, ସୋର ମେଡିକାଲ ପରିସରରେ କେହି ଜଣେ ଏକ ମୃତ ଶିଶୁକନ୍ୟାକୁ ଫିଙ୍ଗି ଦେଇଥିଲେ। ଉକ୍ତ ଶିଶୁଟିକୁ କୁକୁର ଝୁଣି ଖାଉଥିବାର ଦେଖି ସ୍ଥାନୀୟ ଲୋକେ କୁକୁରକୁ ଘଉଡାଇବା ସହ ସୋର ପୋଲିସକୁ ଖବର ଦେଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ୱର
ଏହାପରେ, ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପଟେ ସୋର ମେଡିକାଲ କର୍ତ୍ତୃପକ୍ଷଙ୍କ କହିବା ଅନୁଯାୟୀ, 15 ଦିନ ହେବ ସୋର ମେଡିକାଲରେ କୌଣସି ପ୍ରସବ ହୋଇନାହିଁ। ମୃତ ଶିଶୁକୁ କେହି ବାହାରୁ ଆଣି ମେଡିକାଲ ପରିସରରେ ଫିଙ୍ଗି ଦେଇଥିବା ସନ୍ଦେହ କରାଯାଉଛି। ଏନେଇ ତଦନ୍ତ ଜାରି ରଖିଛି ପୋଲିସ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
