ବାଲେଶ୍ବର: ବାରମ୍ବାର ରୋକ ଲଗାଯିବା ସତ୍ତ୍ବେ ମଧ୍ୟ ଚାଲିଛି ବେଆଇନ ଖଣି ଖନନ । ସ୍ଥାନୀୟ ଖଇରା ବ୍ଲକର ଶାରୀଶୁଆ ପାହାଡର ଚାଲିଥିବା ବେଆଇନ ଖଣି ଖନନ ଉପରେ ଶନିବାର ରୋକ ଲଗାଇଛି ପ୍ରଶାସନ । ଏନେଇ ହୋଇଥିବା ଅଭିଯୋଗକୁ ଭିତ୍ତି କରି ପ୍ରଶାସନ ପକ୍ଷରୁ ସମ୍ପୃକ୍ତ ଅଞ୍ଚଳରେ 144 ଧାରା ଜାରି କରାଯାଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଶାରୀଶୁଆ ପାହାଡରେ ପ୍ରଶାସନ ପକ୍ଷରୁ ଖଣି ନିଲାମ ହୋଇଥିବା ବେଳେ ନିଲାମଧାରୀ ଉପଯୁକ୍ତ କାଗଜପତ୍ର ଦେଖାଇ ପାରିନଥିଲେ । ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଖଣି ଅଞ୍ଚଳରେ ତଦନ୍ତ କରାଯାଇ ପରେ ବେଆଇନ ଖଣି ଖନନ ହେଉଥିବା ନେଇ ଜଣାପଡିଥିଲା । ଏହା ପରେ ସେଠାରେ 144 ଧାରା ଜାରି କରାଯାଇଛି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
