ମଦ ବିରୋଧୀ ମହିଳାଙ୍କୁ ମଦ ବ୍ୟବସାୟୀଙ୍କ ଆକ୍ରମଣ, 7 ଆହତ

ବାଲେଶ୍ବର ଜିଲ୍ଲା ସୋର ଥାନା ଅଞ୍ଚଳରେ ମଦ ବିରୋଧୀ ମହିଳାଙ୍କୁ ମଦ ବେପାରୀମାନେ ଆକ୍ରମଣ କରିଥିବା ଅଭିଯୋଗ ହୋଇଛି । ଆକ୍ରମଣରେ ଆହତ ହୋଇଥିବା 7 ଜଣ ମହିଳାଙ୍କୁ ସୋର ମେଡିକାଲରେ ଭର୍ତ୍ତି କରାଯାଇଛି ।

ବାଲେଶ୍ବର: ମଦ ବିରୋଧୀ ମହିଳାଙ୍କୁ ମଦ ବ୍ୟବସାୟୀଙ୍କ ଆକ୍ରମଣ । ବାଲେଶ୍ବର ଜିଲ୍ଲା ସୋର ଥାନା ଅଞ୍ଚଳରେ ମଦ ବିରୋଧୀ ମହିଳାଙ୍କୁ ମଦ ବେପାରୀମାନେ ଆକ୍ରମଣ କରିଥିବା ଅଭିଯୋଗ ହୋଇଛି । ଆକ୍ରମଣରେ ଆହତ ହୋଇଥିବା 7 ଜଣ ମହିଳାଙ୍କୁ ସୋର ମେଡିକାଲରେ ଭର୍ତ୍ତି କରାଯାଇଛି ।

ସୂଚନା ଅନୁଯାୟୀ,ବାଲେଶ୍ବର ଜିଲ୍ଲା ସୋର ଥାନା ସବିରା ପଞ୍ଚାୟତ ବାଉଁଶଖୁଣ୍ଟା ଗ୍ରାମର ସ୍ବୟଂ ସହାୟିକା ଗୋଷ୍ଠୀର ମହିଳାମାନେ କିଛିଦିନ ଧରି ମଦ ବିରୋଧୀ ଆନ୍ଦୋଳନ କରି ଆସୁଥିଲେ । ମଦ ବିରୋଧୀ ଆନ୍ଦୋଳନ କରୁଥିବା ବେଳେ ଚୋରା ମଦ ବେପାରୀମାନେ ପୂର୍ବ ଯୋଜନା ମୁତାବକ ମହିଳାମାନଙ୍କୁ ଆକ୍ରମଣ କରିଥିଲେ । ଏଥିରେ 7ଜଣ ମହିଳା ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ 2ଜଣ ଗୁରୁତର ହୋଇଛନ୍ତି । ଏନେଇ ସୋର ଥାନାରେ ଦୁଇଟି ପୃଥକ ମାମଲା ହୋଇଥିବା ଜଣାପଡିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ