ବାଲେଶ୍ବର: ଜଳେଶ୍ବର ଅଞ୍ଚଳରେ ଥିବା ଜଙ୍ଗଲ ଭିତରୁ ଉଦ୍ଧାର ହୋଇଛି ଜଣେ ଯୁବକର ଗଳିତ ମୃତଦେହ । ରାଇବଣିଆ ଥାନା ଅଧିନ ପ୍ରସାଦଶୂଳ ଜଙ୍ଗଲରୁ ଯୁବକଙ୍କ ମୃତ ଦେହ ଉଦ୍ଧାର ହୋଇଛି । ମାଟି ତଳୁ ପୋଲିସ ଶବକୁ ବାହାର କରିଥିବା ଜଣାପଡିଛି ।
ସୂଚନା ଅନୁସାରେ, ଆଜି ସକାଳେ ଗୋରୁ ଚରାଳି ଜଙ୍ଗଲରେ ଗୋରୁ ଚରାଇବାକୁ ଯାଇଥିଲେ । ସେଠାରେ ଏକ ମୃତଦେହ ପୋତା ହୋଇଥିବା ଦେଖି ସେମାନେ ପୋଲିସକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ତେବେ ମୃତଦେହଟି ମୟୁରଭଞ୍ଜ ଜିଲ୍ଲାର ରାସଗୋବିନ୍ଦପୁର ଅଞ୍ଚଳର କିଆଖାଳି ଗାଁର ଶଙ୍କର ବାରିକ ବୋଲି ଜଣାପଡିଛି । ଯୁବକଙ୍କୁ କେଉଁ ପରିସ୍ଥିତିରେ ସେଠାରେ ପୋତାଗଲା ସେ ବିଷୟରେ ପୋଲିସ ଅଧିକ ତଦନ୍ତ ଜାରି ରଖିଛି । ଏହା ହତ୍ୟାକାଣ୍ଡ ବୋଲି ପୋଲିସ ପ୍ରାରମ୍ଭିକ ସ୍ତରରେ ସନ୍ଦେହ କରୁଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
