ବାଲେଶ୍ବର: ଦୁଗ୍ଧ ଚାଷୀଙ୍କ ଠାରୁ କମ୍ପାନୀ ଦୁଗ୍ଧ ନନେବାରୁ ଦୁଗ୍ଧଚାଷୀ ମାନେ 80 ଲିଟରରୁ ଉର୍ଦ୍ଧ କ୍ଷୀର ରାସ୍ତାରେ ଢାଳି ଦେଇଥିବା ଦେଖିବାକୁ ମିଳିଛି । କୋରୋନା ପାଇଁ ଏବେ ସାରାଦେଶ ଲକଡାଉନ ଯୋଗୁଁ ଅନେକ ଅସହାୟ ଭୋକ ଉପାସରେ ରହୁଥିବା ବେଳେ ବ୍ୟବସାୟୀ ଏମିତି କ୍ଷୀର ନଷ୍ଟ କରିବାକୁ ନେଇ ସାଧାରଣରେ ପ୍ରତିକ୍ରିୟା ପ୍ରକାଶ ପାଇଛି ।
କୋରୋନା ପ୍ରଭାବ: ତଳେ 80 ଲିଟର କ୍ଷୀର ଢାଳିଲେ ବ୍ୟବସାୟୀ
ଏମିତି ଘଟଣା ଦେଖିବାକୁ ମିଳିଛି ବାଲେଶ୍ବର ବାହାନଗା ବ୍ଲକ ରାଣିଆଗଞ୍ଜ ଗ୍ରାମରେ। ବାହାନଗା ବ୍ଲକ ରାଣିଆଗଞ୍ଜ ଗ୍ରାମରେ ଥିବା ଏହି ସମିତିରେ ତାଳକୁରୁଣିଆ ଓ ଖରାସାହାପୁର ପଞ୍ଚାୟତର ୩୫ରୁ ଉର୍ଦ୍ଧ ମହିଳା ଚାଷୀ ପ୍ରତିଦିନ ଗୋପାଳପୁର ବଜାରରେ ଥିବା ବାମୁଲ କମ୍ପାନୀକୁ କ୍ଷୀର ଦିଅନ୍ତି ।
ଦୀର୍ଘ ୫ ଦିନ ଧରି କ୍ଷୀର ନେଉ ନନେବାରୁ ଏ ବିଷୟରେ ମହିଳାମାନେ କମ୍ପାନୀର ଉଚ୍ଚ ଅଧିକାରୀଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ନମିଳିବାରୁ 80 ଲିଟରରୁ ଅଧିକ କ୍ଷୀର ମହିଳା ଚାଷୀ ରାସ୍ତାରେ ଢାଳି ଦେଇଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
