ବାଲେଶ୍ଵର: ଔପଦା ବ୍ଲକ ଅଧିନ କାଣ୍ଡଗରଡ଼ିହି ପଞ୍ଚାୟତ ବଳରାମ ପାଟଣା ଗ୍ରାମରେ ଏକ ଅଫୁଟା ବାଣରେ ନିଆଁ ଲଗାଉଥିବାବେଳେ ବିସ୍ଫୋରଣ ଘଟି ଜଣେ ଛାତ୍ରର ମୃତ୍ୟୁ ଘଟିଛି ।
ନୀଳଗିରି ଥାନା ବଳରାମ ପାଟଣା ଗ୍ରାମରେ ଗତକାଲି ଏକ ବିବାହ ଉତ୍ସବରେ ବରଯାତ୍ରୀ ଶୋଭାଯାତ୍ରା କରି ଯାଉଥିଲେ । ସେଥିମଧ୍ୟରୁ ରାସ୍ତାରେ କିଛି ଅଫୁଟା ବାଣ ପଡି ରହିଥିଲା । ପରେ ସେହି ଗ୍ରାମର ସୋମନାଥ ମଲ୍ଲିକଙ୍କ ପୁଅ ଗୌତମ ପଡିଥିବା ଅଫୁଟା ବାଣକୁ ଆଣି ନିଆଁ ଲଗାଇ ଫୁଟାଇବାକୁ ଚେଷ୍ଟା କଲାବେଳେ ହଠାତ ବିସ୍ଫୋରଣ ହେବାରୁ ତାଙ୍କର ମୁହଁ ଓ କାନମୂଳରେ ଗଭୀର ଆଘାତ ଲାଗିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଗୁରୁତର ଭାବେ ଗୌତମକୁ ବାଲେଶ୍ଵର ଡାକ୍ତରଖାନାକୁ ନିଆଯାଇଥିବାବେଳେ ପରେ ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ ହେବାରୁ କଟକ ବଡ଼ ଡ଼ାକ୍ତରଖାନାକୁ ନେଉଥିବାବେଳେ ତାଙ୍କର ମୃତ୍ୟୁ ହୋଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
