ବାଲେଶ୍ବର: ରାଜ୍ୟରେ ବଢୁଛି ଧଳା ଜହର କାରବାର । ବ୍ରାଉନ ସୁଗାର କାରବାର କରୁଥିବାବେଳେ ଧରାପଡିଲେ ପାଞ୍ଚ ବ୍ୟବସାୟୀ । ବାଲେଶ୍ବର ଜିଲ୍ଲା ଜଳେଶ୍ବର ଅଞ୍ଚଳରେ ବ୍ରାଉନ ସୁଗାର କାରବାର ଦେଉଥିବା ଖବର ପାଇଥିଲା ପୋଲିସ । ଚଢାଉ କରି ଘଟଣାସ୍ଥଳରୁ ପାଞ୍ଚ ବ୍ୟବସାୟୀ ପୋଲିସ ହାତରେ ଧରା ପଡ଼ିଛନ୍ତି ।
ଗିରଫ ଅଭିଯୁକ୍ତମାନେ ହେଲେ ବ୍ରାଉନ ସୁଗାର କିଙ୍ଗ ପିନ ମୁନ୍ନା ,ସାଜନ ଓ ତାଙ୍କର ତିନି ସହଯୋଗୀ । ପୂର୍ବରୁ ପୁରୀ ପୋଲିସ ଦ୍ବାରା ବ୍ରାଉନ ସୁଗାର ବ୍ୟବସାୟୀ ଗିରଫ ହୋଇଥିବା ଜଣେ ଅଭିଯୁକ୍ତ ବାଲେଶ୍ବରରୁ ଗିରଫ ପାଞ୍ଚଜଣଙ୍କର ନାମ ପ୍ରକାଶ କରିଥିଲା । ଏହାକୁ ନେଇ ପୁରୀ ପୋଲିସ ପକ୍ଷରୁ 7 ଜଣିଆ ଟିମ ସହ ଜଳେଶ୍ବର ପୋଲିସର ମିଳିତ ଭାବେ ଚଢ଼ାଉ କରି 5 ଜଣଙ୍କୁ ଗିରଫ କରିଛି ।
ଘଟଣାସ୍ଥଳରୁ ବିପୁଳ ପରିମାଣର ବ୍ରାଉନ ସୁଗାର ଜବତ କରିବା ସହ ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।
ବାଲେଶ୍ବରରୁ ଜୀବନ ଜ୍ୟାେତି ନାୟକ, ଈଟିଭି ଭାରତ
