ବାଲେଶ୍ଵର: ଭୋଗରାଇ ଅଞ୍ଚଳରେ ବେଆଇନ ଭାବେ ଚାଲୁଥିବା କରତ କଳ ଉପରେ ଚଢ଼ାଉ କରିଛି ପୋଲିସ । ଏଥିସହିତ ଲକ୍ଷାଧିକ ଟଙ୍କାର ଯନ୍ତ୍ରାଂଶ ଓ କାଠ ଜବତ କରିବା ସହ 3ଜଣଙ୍କୁ ଅଟକ ରଖାଯାଇଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା ବାଲେଶ୍ବର
ଭୋଗରାଇର ଚଣ୍ଡୀପୁର, ଜଗନ୍ନାଥପୁର ଓ ବେଲାଶିଆଳିଆ ଅଞ୍ଚଳରେ ବେଆଇନ କରତ କଳ ଚାଲୁଥିବା ନେଇ ଖବର ମିଳିଥିଲା । ବାଲେଶ୍ଵର ଏସପି ବି ଯୁଗଳ କିଶୋରଙ୍କ ନିର୍ଦ୍ଦେଶ କ୍ରମେ ଦୁଇଟି ଟିମ ଚଢାଉ କରିଥିଲା ।
ଚଢ଼ାଉ କରିଥିବା ଟିମରେ ଭୋଗରାଇ ଆଇଆଇସି, ବାଲେଶ୍ଵର ଡିଏସପି ମନୋଜ ରାଉତ ଓ ଜଳେଶ୍ବର ଏସଡିପିଓ ସୁଦର୍ଶନ ଦାସ ନେତୃତ୍ବ ନେଇଥିଲେ । କରତ କଳର ମାଲିକମାନଙ୍କୁ ଅଟକ ରଖାଯାଇଛି ଓ ଏକ ପ୍ଲାଟୁନ ପୋଲିସ ଫୋର୍ସ ମଧ୍ୟ ମୁତୟନ ହୋଇଥିବା ଜଣାପଡିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
