ବାଲେଶ୍ବର: ଜିଲ୍ଲାରେ ଜଣେ 58 ବର୍ଷୀୟ ବ୍ୟକ୍ତି କୋରୋନା ଦ୍ବାରା ସଂକ୍ରମିତ ଥିବା ଚିହ୍ନଟ ହେବା ପରେ ତତ୍ପର ହୋଇଛି ଜିଲ୍ଲା ପ୍ରଶାସନ । ସମ୍ପୃକ୍ତ ବ୍ୟକ୍ତି ରହୁଥିବା ଅଞ୍ଚଳକୁ ଜିଲ୍ଲାପାଳ ଓ ଏସପି ପରିଦର୍ଶନ କରିବା ସହ ଅଞ୍ଚଳକୁ ସିଲ କରିବା ପାଇଁ ନିଷ୍ପତ୍ତି ନିଆଯାଇଥିବା ଜଣା ପଡିଛି । ସହରର ନେଳିଆବାଗ ଅଞ୍ଚଳରେ କୋରୋନା ରୋଗୀଙ୍କ ଘର ହୋଇଥିବା ଜଣା ପଡିବା ପରେ ପ୍ରଶାସନ ପକ୍ଷରୁ ସମ୍ପୃକ୍ତ ଅଞ୍ଚଳକୁ ବାଉଁଶ ବାନ୍ଧି ସିଲ କରାଯାଉଥିବା ଦେଖିବାକୁ ମିଳିଛି ।
ଏହାସହ ଏହି ଅଞ୍ଚଳକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯିବା ନେଇ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି । ଆଖପାଖ ଅଞ୍ଚଳକୁ ବଫର ଜୋନ ଭାବେ ଚିହ୍ନଟ କରାଯିବ ବୋଲି ମଧ୍ୟ ବୋଲି ସୂଚନା ମିଳିଛି । କଣ୍ଟେନମେଣ୍ଟ ଜୋନ ଅବଧି 48 ଘଣ୍ଟା ରହିବ । ଯେଉଁ ସମୟ ଭିତରେ ସେଠାକାର ଲୋକମାନଙ୍କୁ ଅତ୍ୟାବଶକୀୟ ସାମଗ୍ରୀ ଯୋଗାଇ ଦିଆଯିବା ସହ ଘରଘର ବୁଲି ସ୍ବାବ ନମୁନା ସଂଗ୍ରହ କରାଯିବ ।
ତେବେ ଏନେଇ ଜିଲ୍ଲା ପ୍ରଶାସନ ପକ୍ଷରୁ କୌଣସି ବିଧିବଦ୍ଧ ଘୋଷଣା କରାଯାଇ ନଥିବା ବେଳେ 19 ତାରିଖ ସକାଳୁ ଏହି ନିୟମ ଲାଗୁ କରାଯିବ ବୋଲି ସୂଚନା ମିଳିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
