ବାଲେଶ୍ବର: ଏମ୍ସ୍ ପିଜି ଏନ୍ଟ୍ରାନ୍ସରେ ବାଜି ମାରିନେଲେ ବାଲେଶ୍ବର ପୁଅ ଡା. ରଞ୍ଜନ କୁମାର ସାହୁ । ସେ ସାଧାରଣ ବର୍ଗରେ ଦ୍ବିତୀୟ ସ୍ଥାନରେ ରହିଥିବା ବେଳେ ଓବିସି ବର୍ଗରେ ସର୍ବଭାରତୀୟ ସ୍ତରରେ 1 ନଂ ମାନ୍ୟତା ହାସଲ କରି ଗୌରବ ଆଣିଛନ୍ତି। ତେବେ ତାଙ୍କର ଏହି ସଫଳତା ପାଇଁ ସେ ସର୍ବପ୍ରଥମେ ନିଜ ପିତାମାତା ଓ ପରିବାର ଲୋକଙ୍କୁ ଶ୍ରେୟ ଦେଇଛନ୍ତି ।
ସୂଚନାଥାଉକି, ଗତ ୫ ମେ' ରେ ଦିଲ୍ଲୀ ଏହି ପିଜି ପ୍ରବେଶିକା ପରୀକ୍ଷା ହୋଇଥିଲା। ୧୯ଜୁନ୍ରେ ପ୍ରକାଶ ପାଇଥିବା ଫଳାଫଳରେ ରଞ୍ଜନ ପ୍ରଥମ ହୋଇଛନ୍ତି। ଜଳେଶ୍ବର ବ୍ଲକର ସୂର୍ଯ୍ୟମୋହନ ସାହୁ ଓ ମା ରଙ୍ଗଲତା ସାହୁଙ୍କର ସେ ସୁପୁତ୍ର ଅଟନ୍ତି। ବାପା ପୋଷ୍ଟମାଷ୍ଟର ଚାକିରି କରିଥିବା ବେଳେ ମା ଗୃହିଣୀ ଅଟନ୍ତି।
ସେ ସେଣ୍ଟ ଜେମ୍ସ କନ୍ଭେଣ୍ଟ ସ୍କୁଲରେ ପ୍ରାଥମିକ ଶିକ୍ଷା ଗ୍ରହଣ କରିବା ପରେ ବାଲେଶ୍ବର କେନ୍ଦ୍ର ବିଦ୍ୟାଳୟରେ +୨ କରିଥିଲେ। ପରେ ଭୁବନେଶ୍ବର ଏମ୍ସସ୍ରେ ଡାକ୍ତରୀ ଶିକ୍ଷା ପଢିଥିଲେ। ତାଙ୍କର ଏହି ସଫଳତା ପାଇଁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
