ବାଲେଶ୍ବର: ମାଲବାହୀ ଟ୍ରେନ ଆଗକୁ ଡେଇଁ ମହିଳାଙ୍କ ଆତ୍ମହତ୍ୟା । ବାଲେଶ୍ବର ଷ୍ଟେସନରେ ଏହି ଘଟଣା ଘଟିଥିବାବେଳେ ମୃତ ମହିଳାଙ୍କ ପରିଚୟ ମିଳିପାରି ନାହିଁ ।
ଭିଡିଓ ସୌଜନ୍ୟ: ସମ୍ବାଦଦାତା,ବାଲେଶ୍ବର
ସୂଚନାଯୋଗ୍ୟ, ଜଣେ ମହିଳା ଷ୍ଟେସନ ବେଞ୍ଚରେ କିଛି ସମୟ ବସିବା ପରେ ଏକ ମାଲବାହୀ ଟ୍ରେନ ଆସିଥିଲା । ଯାହାକୁ ଦେଖି ମହିଳା ଜଣକ ଟ୍ରେନ ଆଗକୁ ଡେଇଁ ପଡି ଆତ୍ମହତ୍ୟା କରିଥିଲେ ବୋଲି ଷ୍ଟେସନରେ ଥିବା ବୁଲା ବିକାଳିମାନେ ପ୍ରକାଶ କରିଛନ୍ତି । ମୃତ ମହିଳାଙ୍କ ଶରୀରର ଗୋଡ, ହାତ ଖଣ୍ଡ ଖଣ୍ଡ ହୋଇଯାଇଛି ।
ତେବେ ମହିଳା ଜଣଙ୍କର ଆତ୍ମହତ୍ୟାର କାରଣ ଜଣାପଡିନଥିବା ବେଳେ ଘଟଣାସ୍ଥଳରେ ଜିଆରପି ପୋଲିସର ଏକ ଟିମ ପହଞ୍ଚି ମହିଳାଙ୍କ ମୃତଦେହ ଉଦ୍ଧାର କରିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
