ବାଲେଶ୍ୱର: ମୁମ୍ବାଇରୁ ସଫଳତା ପୂର୍ବକ ଚୋରି କରି ଆଣିଥିଲେ । ହେଲେ ଚୋରା ଜିନିଷକୁ ଲୁଚାଇ ରଖିବାରେ ବିଫଳ ହୋଇଥିଲେ । ମୁମ୍ବାଇରୁ ଅଳଙ୍କାର ଚୋରାଇ ଆଣିଥିବା ଜଣେ ଯୁବକଙ୍କୁ ପୋଲିସ ଗିରଫ କରିଛି । ବାଲେଶ୍ୱର ଜିଲ୍ଲା ଖଇରା ଥାନା ଅଞ୍ଚଳରୁ ପୋଲିସ ଏହି ଯୁବକଙ୍କୁ ଗିରଫ କରିଥିବା ଜଣାପଡିଛି ।
ସୂଚନା ମୁତାବକ, ଖଇରା ଥାନା ଅନ୍ତର୍ଗତ ଗଣ୍ଡୁଆ ଗ୍ରାମର ଲକ୍ଷ୍ମଣ ମଲ୍ଲିକଙ୍କ ପୁଅ ମାନସ ମଲ୍ଲିକ ମୁମ୍ବାଇର ଦାଦର ଅଞ୍ଚଳରେ ରହୁଥିବା ନିଜ ଭାଇଙ୍କ ଘରେ କାମ କରୁଥିଲେ। ଧୀରେଧୀରେ ପରିବାର ଲୋକଙ୍କ ବିଶ୍ୱାସ ଜିତିବା ପରେ ମାନସ ଚତୁରତାର ସହ ସୁନା, ରୂପା ଗହଣା ଚୋରି କରି ଗାଁକୁ ଫେରି ଆସିଥିଲେ । ତେବେ ଚୋରା ଅଳଙ୍କାରର ଆନୁମାନିକ ଓଜନ 1କେଜି ବୋଲି କୁହାଯାଉଛି।
ସେପଟେ ଏନେଇ ମୁମ୍ବାଇ ପୋଲିସ ମାନସଙ୍କ ଗତିବିଧି ଉପରେ ନଜର ରଖିଥିଲା। ସେ ସୋର ଅଞ୍ଚଳରେ ଥିବା ମୁମ୍ବାଇ ପୋଲିସ ଜାଣିବାକୁ ପାଇଥିଲେ ଏବଂ ତାଙ୍କୁ ଗିରଫ କରିବାରେ ସକ୍ଷମ ହୋଇଥିଲା। ତେବେ ମାନସକୁ ସୋର କୋର୍ଟରେ ହାଜର କରାଯାଇଥିବା ଜଣାପଡିଛି।
ବାଲେଶ୍ୱରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
