ବାଲେଶ୍ଵର: ଜିଲ୍ଲା ସୋର ଥାନା ପକ୍ଷରୁ ପାଟ୍ରୋଲିଂବେଳେ 5 ଜଣ ବ୍ୟାଟେରୀ ଚୋରଙ୍କୁ ଗିରଫ କରିଛି । ଶନିବାର ବିଳମ୍ବିତ ରାତିରେ ପାଟ୍ରୋଲିଂବେଳେ 4 ଜଣ ଯୁବକ ସନ୍ଦେହ ଜନକ ଭାବେ ବୁଲୁଥିବା ନେଇ ପୋଲିସର ନଜର ପଡିଥିଲା । ସେମାନଙ୍କୁ ପିଛା କରି ସେମାନେ ରହୁଥିବା ଭଡା ଘରେ ପୋଲିସ ଚଢ଼ାଉ କରିଥିଲା। ସେଠାରେ 10ଟି ବ୍ୟାଟେରୀ ଜବତ କରିବା ସହ 5 ଜଣଙ୍କୁ ଗିରଫ କରିଥିଲା ପୋଲିସ ।
ବ୍ୟାଟେରୀ ଚୋରି ଅଭିଯୋଗରେ ୫ ଗିରଫ
ତେବେ ପୋଲିସ ସେମାନଙ୍କୁ ଥାନାକୁ ଆଣି ପଚରାଉଚୁରା ପରେ ସେମାନେ ବାଗୁଡି, ପାଖରଛକ, ଉତ୍ତରେଶ୍ବର ଆଦି ଅଞ୍ଚଳରୁ ବ୍ୟାଟେରୀ ଚୋରି କରିଥିବା ମାନିଛନ୍ତି । ଗିରଫ ଅଭିଯୁକ୍ତମାନେ କୁଦଣ୍ଡପୁର ଅଞ୍ଚଳର ଅଶୋକ ନାଥ, ତୁଣ୍ଡପଡା ଅଞ୍ଚଳର ବାବୁ, ସୁବାଶିସ ମାହାନା, ବିଜୟ ନାଥ ଏବଂ ବାସୁଦେବପୁର ଜଗନ୍ନାଥପୁର ଅଞ୍ଚଳର ବିଶ୍ବଜିତ୍ ଦିକ୍ଷିତ ବୋଲି ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
