ବାଲେଶ୍ଵର: ଗୋଟିଏ ଦିନରେ ବାଲେଶ୍ଵରରେ 3 କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ତିନି ଦିନର ବ୍ୟବଧାନ ପରେ ଜିଲ୍ଲାରେ ପୁଣି 3 ଜଣ ପଜିଟିଭ ବାହାରିଥିବା ବେଳେ ବର୍ତ୍ତମାନ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା 24ରେ ପହଞ୍ଚିଛି ।
ମଙ୍ଗଳବାର ଚିହ୍ନଟ ଏହି 3 କୋରୋନା ଆକ୍ରାନ୍ତଙ୍କ ମଧ୍ୟରୁ 2 ଜଣ ବସ୍ତା ବ୍ଲକ ଅଞ୍ଚଳର ହୋଇଥିବା ବେଳେ ଅନ୍ୟ ଜଣେ ରୁପ୍ସା ଅଞ୍ଚଳର ବୋଲି ଜଣାପଡିଛି । ଅମର୍ଦ୍ଦା ନଟାକଟା ହଦମଉଦ ଅଞ୍ଚଳର ଜଣେ 50 ବର୍ଷୀୟା ମହିଳା ଓ ପାଉଁଶକୁଲି ମସଡା ଅଞ୍ଚଳର ଜଣେ 26 ବର୍ଷୀୟ ଯୁବକ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ସୂଚନା ମିଳିଛି । ସେହିପରି ରୁପ୍ସା ଅଞ୍ଚଳରେ ଜଣେ ଚିହ୍ନଟ ହୋଇଛନ୍ତି । ଜିଲ୍ଲା ପ୍ରଶାସନ ଉକ୍ତ ଅଞ୍ଚଳରେ ପହଞ୍ଚି ସ୍ଥିତି ସମୀକ୍ଷା ସହ ଷ୍ଟାଣ୍ଡାର୍ଡ଼ ଅପରେଟିଂ ପ୍ରୋସିଜିଓର ଅନୁସାରେ ଉକ୍ତ ଅଞ୍ଚଳକୁ ସଂଯୋଗ କରୁଥିବା ରାସ୍ତା ସିଲ କରିଛନ୍ତି । ଏଥିସହ ଏହି ଅଞ୍ଚଳକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରିବା ନେଇ ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
