ବାଲେଶ୍ବର: ଡରାଇଲାଣି କୋରୋନାର ଦ୍ବିତୀୟ ଲହରୀ । ଦୃତ ଗତିରେ ମାଡ଼ି ଚାଲିଛି ସଂକ୍ରମଣ । ତେବେ ଆଜି ବାଲେଶ୍ଵରରେ ଗୋଟିଏ ଦିନରେ 158 କୋରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ସେଥିମଧ୍ୟରୁ 103 ଜଣ ଇମାମି ପେପର ମିଲ୍ସରୁ ଚିହ୍ନଟ ହୋଇଛନ୍ତି । ପ୍ରଥମେ ଇମାମି ପେପର ମେସିନ 2ର ଫିନିଶିଙ୍ଗ ହାଉସରେ କାମ କରୁଥିବା ଶ୍ରମିକମାନଙ୍କ କୋରୋନା ପରୀକ୍ଷା କରାଯାଇଥଲା । ଯେଉଁଥିରେ 103 କର୍ମଚାରୀ କୋରୋନା ପଜିଟିଭ ଚିହ୍ନଟ ହୋଇଥିବା ସୂଚନା ମିଳିଛି । ଏହାକୁ ନେଇ ସେଠାରେ କୋକୁଆ ଭୟ ସୃଷ୍ଟି ହେବା ସହ ଉକ୍ତ ଅଞ୍ଚଳକୁ ସାନିଟାଇଜ କରାଯାଇଛି । ଏବଂ ସାମୟିକ ଭାବେ ମେସିନ କାର୍ଯ୍ୟ ବନ୍ଦ କରି ଦିଆଯାଇଛି ।
ଏପଟେ ଅଫିସର କଲୋନୀକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି ଏବଂ ଭକ୍ତଙ୍କ ଦର୍ଶନ ନିମନ୍ତେ ଜଗନ୍ନାଥ ମନ୍ଦିର ବନ୍ଦ ରଖାଯାଇଛି । ଏନେଇ ମିଲରେ ଡାକ୍ତରୀ ଦଳ ପହଁଚିଥିବା ଜଣାପଡ଼ିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
