ବାଲେଶ୍ୱର: ଜଳେଶ୍ବର ପୋଲିସକୁ ସଫଳତା । ଧରାପଡିଲେ ୧୦ ଆନ୍ତଃରାଜ୍ୟ ଡକାୟତ । ସେମାନଙ୍କ ଠାରୁ ୧୫ ଲକ୍ଷ ଟଙ୍କା ସହ ଗାଡି ଜବତ କରିଛି ପୋଲିସ । ଗତ ୧୮ ତାରିଖରେ ଯାଜପୁର ଧର୍ମଶାଳା ଥାନା ଅଞ୍ଚଳରେ ଏକ ବଡ଼ ଧରଣର ଡକାୟତି କରି ଡକାୟତମାନେ ସେଠାରୁ ପଶ୍ଚିମବଙ୍ଗ ଅଞ୍ଚଳକୁ ଚମ୍ପଟ ମାରିବା ପାଇଁ ଉଦ୍ୟମ କରିଥିଲେ ।
ବାଲେଶ୍ବରରୁ ୧୦ ଡକାୟତ ଗିରଫ, ୧୫ ଲକ୍ଷ ଟଙ୍କା ଜବତ
ଯାଜପୁରରୁ ଏ ସମ୍ପର୍କରେ ଖବର ପାଇବା ପରେ ଜଳେଶ୍ବର ପୋଲିସ ଚାଲନ୍ତି ନାକ ପୋଷ୍ଟରୁ ଡକାୟତଙ୍କୁ ଗିରଫ କରିବାରେ ସକ୍ଷମ ହୋଇଛି । ଗିରଫ ଡକାୟତମାନଙ୍କ ପାଖରୁ ଗୋଟିଏ ସ୍କୋର୍ପିଓ, ଗୋଟିଏ ଆର୍ଟିଗା କାର ଜବତ କରାଯାଇଛି । ଏହାସହ ସେମାନଙ୍କ ନିକଟରୁ ୧୫ ଲକ୍ଷ ଟଙ୍କା ଓ ୧୦ଟି ମୋବାଇଲ ଜବତ କରାଯାଇଛି ।
ଇଟିଭି ଭାରତ, ବାଲେଶ୍ବର
