ବଲାଙ୍ଗୀର: ବ୍ୟାଙ୍କ ମୁଖ୍ୟ କାର୍ଯ୍ୟାଳୟ ସମ୍ମୁଖରେ ଧାରଣା ଦେଲେ ଉତ୍କଳ ଗ୍ରାମ୍ୟ ବ୍ୟାଙ୍କ ଅସ୍ଥାୟୀ କର୍ମଚାରୀ ସଂଘ । ତେବେ ଶତାଧିକ ଅସ୍ଥାୟୀ କର୍ମଚାରୀ ଜିଲ୍ଲାର ଗ୍ରାମାଞ୍ଚଳରେ ରହି ଲୋକଙ୍କୁ ବ୍ୟାଙ୍କ ସେବା ଯୋଗାଇ ଆସୁଥିଲେ ସୁଦ୍ଧା ଦୀର୍ଘ ବର୍ଷ ସତ୍ତ୍ବେ ଏମାନଙ୍କୁ ସ୍ଥାୟୀ ନିଯୁକ୍ତି ଦିଆଯାଇ ନାହିଁ କିମ୍ବା ଏମାନଙ୍କ ପାଉଣାରେ ବୃଦ୍ଧି କରାଯାଉ ନାହିଁ । ଫଳରେ ଏମାନେ ଆର୍ଥିକ ଅନଟନରେ ଥିବା କହିଛନ୍ତି।
ଉତ୍କଳ ଗ୍ରାମ୍ୟ ବ୍ୟାଙ୍କ ଅସ୍ଥାୟୀ କର୍ମଚାରୀ ସଂଘ ପକ୍ଷରୁ ଧାରଣା
ଏନେଇ ଏମାନେ ଗତ ଆଠ ତାରିଖରୁ ଧାରଣା ଦେଇଥିବା ବେଳେ ଦାବି ପୂରଣ ନ ହେଲେ ଆସନ୍ତା 11 ତାରିଖରୁ ଆମରଣ ଅନଶନ କରିବେ ବୋଲି କହିଛନ୍ତି ବ୍ୟାଙ୍କ ଅସ୍ଥାୟୀ କର୍ମଚାରୀ ସଂଘ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
