ବଲାଙ୍ଗୀର: ଆକ୍ସନ ମୁଡରେ ବଲାଙ୍ଗୀର ପୋଲିସ । ପୁରୁଣା ୱାରେଣ୍ଟରେ 200 ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି ଜିଲ୍ଲା ପୋଲିସ।
ପୁରୁଣା ଫାଇଲ ଖୋଲିଲା ପୋଲିସ
ଗିରଫ 200 ଅଭିଯୁକ୍ତ ଜିଲ୍ଲାରେ ବିଭିନ୍ନ ଅପରାଧ ଘଟାଇ ଫେରାର ଥିଲେ । ହତ୍ୟା, ଲୁଟ ଡ଼କାୟତି ମରଣାନ୍ତକ ଆକ୍ରମଣ ଭଳି ସଙ୍ଗୀନ ଅପରାଧରେ ଜଡ଼ିତ ଥିଲେ । ଜିଲ୍ଲା ପୋଲିସ ଗତ ସାତ ତାରିଖରୁ ଏକ ସ୍ବତନ୍ତ୍ର ଡ୍ରାଇଭ କରି ଏମାନଙ୍କୁ ଧରିବାରେ ସଫଳ ହୋଇଛି ।
ଦୀର୍ଘ ଦିନରୁ ଏମାନେ ଫେରାର ଥିବା ବେଳେ ଜିଲ୍ଲା ପୋଲିସ ସବୁ ପୁରୁଣା ଫାଇଲକୁ ଖୋଲି ସମସ୍ତ ଅଭିଯୁକ୍ତଙ୍କୁ କାବୁ କରିଛି । ସମସ୍ତଙ୍କୁ କୋର୍ଟ ଚାଲାଣ କରାଯାଇଛି । ଆଗକୁ ମଧ୍ୟ ପୁରୁଣା ଅପରାଧରେ ଜଡ଼ିତ ଥିବା ଅପରାଧୀମାନଙ୍କୁ ଧରାଯିବ ବୋଲି ପୋଲିସ ସୂଚନା ଦେଇଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିିଭି ଭାରତ
