ବଲାଙ୍ଗୀର: ବଜ୍ରାଘାତରେ ଜଣେ ମହିଳା ମୃତ ଆଉ ଜଣେ ଆହତ । ବଲାଙ୍ଗୀରରେ ଆଜି କାଳ ବୈଶାଖୀ ପ୍ରଭାବରେ ଘଡ଼ଘଡି ସହ ପ୍ରବଳ ବର୍ଷା ହୋଇଛି । ସେହିପରି ବଜ୍ରାଘାତରେ ଜଣେ ମହିଳାଙ୍କ ମୃତ୍ୟୁ ହୋଇଥିବାବେଳେ ଆଉ ଜଣେ ମହିଳା ଗୁରୁତର ଆହତ ହୋଇଛନ୍ତି । ବଲାଙ୍ଗିର ସଦର ଥାନା ଅନ୍ତର୍ଗତ ବର୍କାନି ଗ୍ରାମରେ ଏହି ଘଟଣା ଘଟିଛି। ଏହି ଗ୍ରାମର ଦୁଇ ଜଣ ମହିଳା ଏକାଠି ହୋଇ ପାଖ ପୋଖରୀକୁ ଗାଧୋଇବାକୁ ଯାଇଥିଲେ । ଏବଂ ସେଠାରେ ବଜ୍ରାଘାତ ହେବାରୁ ଘଟଣାସ୍ଥଳରେ 55 ବର୍ଷ ବୟସର ପାଣିରେ ବୁଡି ମେଶ୍ୱାଙ୍କ ମୃତ୍ୟୁ ହୋଇଥିଲା ।
ସେହିପରି ତାଙ୍କ ସହିତ ଥିବା ଭୂମିଶୁତା ମେଶ୍ୱା ଗୁରୁତର ଆହତ ହୋଇଥିଲେ । ତେବେ ବଲାଙ୍ଗୀର ସଦର ପୋଲିସ୍ ଘଟଣା ସ୍ଥଳକୁ ପହଞ୍ଚି ଦୁଇ ଜଣଙ୍କୁ ଉଦ୍ଧାର କରିଥିଲା । ଏବଂ ଗୁରୁତର ଆହତ ମହିଳାଙ୍କୁ ବଲାଙ୍ଗୀର ଭୀମ ଭୋଇ ମେଡିକାଲ୍ କଲେଜରେ ଭର୍ତ୍ତି କରିଥିଲା। ସେହିପରି ମୃତ ମହିଳାଙ୍କ ଶବ ବ୍ୟବଚ୍ଛେଦ ପାଇଁ ପଠାଇ ପୋଲିସ୍ ତାର ଅଧିକ ତଦନ୍ତ ଜାରି ରଖିଛି ।
ବଲାଙ୍ଗୀରରୁ ସେଖ୍ ମହମ୍ମଦ ଓ୍ବାହିଦ, ଇଟିଭି ଭାରତ
