ବଲାଙ୍ଗୀର: ଆସନ୍ତା ୨୧ ତାରିଖରୁ ଆରମ୍ଭ ହେବ ରାଜ୍ୟସ୍ତରୀୟ ବ୍ୟାଡମିଣ୍ଟନ ପ୍ରତିଯୋଗିତା । ସାମିଲ ହେବେ ସବୁ ଜିଲ୍ଲାର ବିଭିନ୍ନ ବର୍ଗର ଖେଳାଳି । ଏଠାରେ ଖେଳାଳିଙ୍କ ପ୍ରଦର୍ଶନ ଅନୁସାରେ ତାଙ୍କୁ ରାଜ୍ୟସ୍ତରୀୟ ରାଙ୍କ ମିଳିବ ବୋଲି କହିଛନ୍ତି ବଲାଙ୍ଗୀର ବ୍ୟାଡମିଣ୍ଟନ ସଙ୍ଘର ସଭାପତି ସୁରୁଲାଲ ମଟାରୀ ।
ବଲାଙ୍ଗୀରରେ ଆସନ୍ତା ଅକ୍ଟୋବର ୨୧ ତାରିଖରୁ ଆରମ୍ଭ ହେବ ରାଜ୍ୟସ୍ତରୀୟ ବ୍ୟାଡମିଣ୍ଟନ ପ୍ରତିଯୋଗୀତା । ସ୍ଥାନୀୟ ପୃଥ୍ବୀରାଜ ଉଚ୍ଚ ବିଦ୍ୟାଳୟର ପଡିଆରେ ଥିବା ଇଣ୍ଡୋର ଷ୍ଟାଡିୟମରେ ଏହି ଖେଳ ଆସନ୍ତା ଅକ୍ଟୋବର ୨୧ ତାରିଖରୁ ୨୩ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ । ତେବେ ଓଡିଶା ବ୍ୟାଡମିଣ୍ଟନ ସଙ୍ଘ ଓ ବଲାଙ୍ଗୀର ଜିଲ୍ଲା ବ୍ୟାଡମିଣ୍ଟନ ସଙ୍ଘର ମିଳିତ ଆନୁକୁଲ୍ୟରେ ଏହି ପ୍ରତିଯୋଗୀତା ଅନୁଷ୍ଠିତ ହେବ ।
ଏଥିରେ ୧୫ ବର୍ଷରୁ କମ ଓ ୧୭ ବର୍ଷରୁ କମ ବର୍ଗର ଖେଳାଳି ଭାଗ ନେବେ । ତେବେ ବଲାଙ୍ଗୀରରେ ଏହି କାର୍ଯ୍ୟକ୍ରମ ପ୍ରଥମ ଥର ପାଇଁ ଆୟୋଜିତ ହେଉଥିବାବେଳେ ଏଥିରେ ରାଜ୍ୟର ସବୁ ଜିଲ୍ଲାର ଖେଳାଳି ଅଂଶଗ୍ରହଣ କରିବେ ବୋଲି ସୂଚନା ମିଳିଛି । ଏଠାରେ ଖେଳାଳିଙ୍କ ପ୍ରଦର୍ଶନ ଅନୁସାରେ ତାଙ୍କୁ ରାଜ୍ୟସ୍ତରୀୟ ରାଙ୍କ ମିଳିବ ବୋଲି ଆୟୋଜକ କହିଛନ୍ତି ।
ଇଟିଭି ଭାରତ, ବଲାଙ୍ଗୀର
