ବଲାଙ୍ଗୀର: ଜିଲ୍ଲାରେ ଚାଞ୍ଚଲ୍ୟ । ବେଲପଡା ରାଡବାହଲ ଗାଁରେ ଦେଖିବାକୁ ମିଳିଛି ଅମାନବୀୟ ଘଟଣା। ଘରୋଇ କଳହକୁ ନେଇ ମା’କୁ ଜିଅନ୍ତା ଜାଳିଲା ନିର୍ଦ୍ଦୟ ପୁଅ । ଘଟଣା ସମ୍ପର୍କରେ ପୋଲିସକୁ ଅବଗତ କରିଛନ୍ତି ପଡୋଶୀ ।
ପ୍ରାଣ ହରାଇଥିବା ମହିଳା ଜଣକ ହେଲେ ଆଶାମୋତି ଖର୍ସେଲ । ଆଜି ସକାଳୁ କୌଣସି କାରଣରୁ ବାପାଙ୍କ ସହ ଝଗଡା ପରେ ପୁଅ ସନ୍ତୋଷ ଖର୍ସେଲ ତାଙ୍କୁ ମରଣାନ୍ତକ ଆକ୍ରମଣ କରିଥିଲା । ହେଲେ ସେ ଅଳ୍ପକେ ବର୍ତ୍ତି ଯାଇଥିଲେ । ପରେ ଶୋଇଥିବା ଅବସ୍ଥାରେ ମାଆ ଆଶାବତି ଖର୍ସେଲଙ୍କ ଦେହରେ କିରୋସିନ ଢାଳି ନିଆଁ ଲଗାଇଦେଇଥିଲା ଅଭିଯୁକ୍ତ ପୁଅ ।
ଘଟଣାପରେ ଅଭିଯୁକ୍ତ ପୁଅ ଫେରାର ହୋଇ ଗାଁରେ ଖୁଲମଖୁଲା ବୁଲୁଥିଲା । ତେବେ ଘଟଣାର ତଦନ୍ତ କରୁଥିବା ବେଲପଡା ପୋଲିସ ଅଭିଯୁକ୍ତ ପୁଅକୁ ଗିରଫ କରିଛି । କେଉଁ ପରିସ୍ଥିତିରେ ଅଭିଯୁକ୍ତ ସନ୍ତୋଷ ଏଭଳି ଅମାନବୀୟ କାଣ୍ଡ ଘଟାଇଲା ତାହା ଜାଣିବାକୁ ପୋଲିସ ତଦନ୍ତ ଜାରି ରଖିଛି । ସେପଟେ ସନ୍ତୋଷ ମାନସିକ ବିକୃତ ଥିବା ନେଇ ପୋଲିସ ସନ୍ଦେହ କରୁଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
