ବଲାଙ୍ଗୀର: ସ୍ଥାନୀୟ ବଙ୍ଗୋମୁଣ୍ଡା ବ୍ଲକ ବୋର ବହାଲ ଗାଁ ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଏଥିରେ ଦୁଇ ସାଙ୍ଗଙ୍କ ମୃତ୍ୟୁ ହୋଇଥିବା ଜଣା ପଡିଛି । ସୂଚନା ଅନୁଯାୟୀ ସମ୍ପୃକ୍ତ ଗାଁର 2 ଜଣ ସାଙ୍ଗ ଏକ ମୋଟର ସାଇକେଲରେ ଗାଁରୁ ଯାଉଥିବା ବେଳେ ଏକ ଅଜଣା ଗାଡି ଧକ୍କା ଦେଇ ଫେରାର ହୋଇଯାଇଥିଲା । ଫଳରେ ଘଟଣାସ୍ଥଳରେ ହିଁ 2 ଜଣଙ୍କର ମୃ୍ତ୍ୟୁ ହୋଇଥିଲା ।
ସଡକ ଦୁର୍ଘଟଣାରେ ଦୁଇ ସାଙ୍ଗ ମୃତ
ମୃତକ ଦୁହେଁ ବୋର ବହାଲ ଗାଁର ଜିତେନ୍ଦ୍ର ପୁଟେଲ ଓ ବିଜୟ ପୁଟେଲ । ଦୁର୍ଘଟଣା ପରେ ବଙ୍ଗୋମୁଣ୍ଡା ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରି ଡାକ୍ତରଖାନା ପଠାଇଥିଲେ । ହେଲେ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ । ତେଣେ ଖବର ପାଇ ଗାଁରେ ଶୋକର ମାହୋଲ ସୃଷ୍ଟି ହୋଇଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
