ବଲାଙ୍ଗୀର: ରାଜେନ୍ଦ୍ର କଲେଜକୁ ବିଶ୍ବବିଦ୍ୟାଳୟର ମାନ୍ୟତା ମିଳିଛି । ହେଲେ ଏଯାଏଁ ତାହା କେବଳ କାଗଜ କଲମରେ ସୀମିତ ହୋଇ ରହିଛି । ଏଠି ବର୍ତ୍ତମାନ ସୁଦ୍ଧା କୁଳପତି ନିଯୁକ୍ତି ହୋଇନାହାଁନ୍ତି । ତେଣୁ ଏହାକୁ ପ୍ରକୃତରେ ବିଶ୍ବବିଦ୍ୟାଳୟ ଭଳି କାର୍ଯ୍ୟକାରୀ କରିବା ସହ ଶୀଘ୍ର ସବୁ ପଦବୀ ପୂରଣ ଦାବି କରିଛନ୍ତି ଆଦିବାସୀ ଅଧିକାର ମହାସଂଘ ଓ ଭିଲେଜରସ୍ ଇଣ୍ଡିଆ ପାର୍ଟି ।
ଗୁରୁବାର ଦିନ ଭିଲେଜର ପାର୍ଟି ତରଫରୁ କଲେଜ ସମ୍ମୁଖରେ ଅନିର୍ଦ୍ଦିଷ୍ଟ କାଳ ପାଇଁ ଧାରଣା ଦିଆଯାଇଛି । ଏବଂ ଲିଖିତ ପ୍ରତିଶୃତି ନପାଇବା ଯାଏଁ ଏହି ଧାରଣା ଜାରି ରହିବ ବୋଲି ବିକ୍ଷୋଭକାରୀମାନେ କହିଛନ୍ତି ।
ସୂଚନାଥାଉକି,ବଲାଙ୍ଗୀରର ରାଜେନ୍ଦ୍ର କଲେଜକୁ ଗତ 2018 ମସିହାରେ ରାଜ୍ୟ ସରକାର ବିଶ୍ବବିଦ୍ୟାଳୟର ମାନ୍ୟତା ଦେଇଛନ୍ତି । କିନ୍ତୁ ଏଯାଏଁ କୁଳପତି, ଡିନ୍ଙ୍କ ନିଯୁକ୍ତି ହୋଇନାହିଁ । ତେଣୁ ଚଳିତ ଶିକ୍ଷାବର୍ଷ 2019-20 ଠାରୁ ରାଜେନ୍ଦ୍ର ବିଶ୍ବବିଦ୍ୟାଳୟ ମାନ୍ୟତା କାର୍ଯ୍ୟକାରୀ କରି ଛାତ୍ରଛାତ୍ରୀଙ୍କ ନାମ ଲେଖା ପାଇଁ ଅନିର୍ଦ୍ଧିଷ୍ଟ କାଳ ପାଇଁ ଗଣଧାରଣା ଦେଇଛନ୍ତି ଆଦିବାସୀ ଅଧିକାର ମହାସଂଘ ଓ ଭିଲେଜରସ୍ ଇଣ୍ଡିଆ ପାର୍ଟି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
