ବଲାଙ୍ଗୀର: ସହରରେ ଅପରାଧ ରୋକିବାକୁ ଅଣ୍ଟା ଭିଡ଼ିଛି ପୋଲିସ । ଏଥିପାଇଁ ସହର ତଥା ସହର ଆଖ ପାଖରେ 24 ଘଣ୍ଟା ପଇଁତରା ମାରିବା ପାଇଁ ଦୁଇଟି ନୂଆ ପିସିଆର ଭ୍ୟାନକୁ ଏସପି ସବୁଜ ପତାକା ଦେଖାଇ ଏହାର ଶୁଭାରମ୍ଭ କରିଛନ୍ତି ।
ଅପରାଧ ନିୟନ୍ତ୍ରଣ ପାଇଁ ବଲାଙ୍ଗୀରରେ ପିସିଆର ସେବା ଆରମ୍ଭ
ବଲାଙ୍ଗୀର ସହରରେ କୌଣସି ଅଘଟଣ ପାଇଁ ପୋଲିସ ସଦା ସର୍ବଦା ଜାଗ୍ରତ ରହିବ ଓ ଲୋକଙ୍କୁ ସାହାଯ୍ୟ କରିବା ସହ ସହରରେ ଅପରାଧ ମଧ୍ୟ କମିବ ବୋଲି ଏସପି କହିଛନ୍ତି । ଯେଉଁଥିରେ ସହରକୁ ଦୁଇ ଭାଗ କରି ପିସିଆର ଭ୍ୟାନ ପେଟ୍ରୋଲିଂ କରିବ। ବଲାଙ୍ଗୀର ସହର ଏବେ ଅପରାଧର ପେଣ୍ଠସ୍ଥଳୀ ପାଲଟିଥିବା ବେଳେ ଦିନକୁ ଦିନ ବେଆଇନ କାର୍ଯ୍ୟକଳାପ ବଢି ବଢି ଚାଲିଛି। ତେବେ ଏସବୁ ଏହି ନୂଆ ପ୍ରୟାସ ଦ୍ବାରା ପ୍ରଶମିତ ହେବ ବୋଲି ଏସପି କହିଛନ୍ତି । ତେବେ ଡ଼ାଏଲ 100 କିମ୍ବା ପୋଲିସ ପିସିଆର ନମ୍ବର ଲଗାଇ କେହି ବି ପୋଲିସର ସାହାଯ୍ୟ ନେଇପାରିବ ବୋଲି କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
