ବଲାଙ୍ଗୀର : ବଲାଙ୍ଗୀର ଜିଲ୍ଲା ପାଟଣାଗଡ଼ସ୍ଥିତ ଲାୟନ୍ ପବ୍ଲିକ ସ୍କୁଲରେ ବ୍ୟାପକ ଅର୍ଥ ହେରଫେର ହୋଇଥିବା ନେଇ ଅଭିଯୋଗ ହୋଇଛି । ସ୍କୁଲର କେସିଅର ଏବଂ ପୂର୍ବତନ ସଭାପତି ଉଭୟ ମିଶି ବ୍ୟାପକ ଟଙ୍କାର ହେରଫେର କରିଛନ୍ତି । ଏହି ଘଟଣାରେ ପୋଲିସ କ୍ୟାସିଅର ମନୋରଞ୍ଜନ ଠାକୁର ଓ ସ୍କୁଲର ପୂର୍ବତନ ସଭାପତି ମନୋଜ ନନ୍ଦକୁ ଗିରଫ କରିଛି।
ସ୍କୁଲର କ୍ୟାସିଅର ମନରଞ୍ଜନ ଠାକୁର ପାଟଣାଗଡ଼ ଥାନାରେ ଗତ ନଭେମ୍ବର ମାସରେ ଲିଖିତ ଅଭିଯୋଗ କରିଥିଲେ । ତାଙ୍କଠୁ ଚେକ୍ ଓ ନଗଦ ଟଙ୍କା ମାଧ୍ୟମରେ ସ୍କୁଲର ସଭାପତି ମନୋଜ ନନ୍ଦ ୪୫ ଲକ୍ଷ ଟଙ୍କା ନେଇଥିଲେ । ହେଲେ ପରବର୍ତ୍ତୀ ସମୟରେ ମାଗିଲେ ମଧ୍ୟ ଟଙ୍କା ଫେରସ୍ତ କରିନଥିଲେ । ଟଙ୍କା ଫେରସ୍ତ ନହେବାରୁ ସ୍କୁଲ ସଭାପତିଙ୍କ ନାଁରେ ଟଙ୍କା ହେରଫେର କରିଥିବା ନେଇ ଅଭିଯୋଗ କରିଥିଲେ । ଏହି ଘଟଣାକୁ ନେଇ ପୋଲିସ ତଦନ୍ତ କରୁଥିବା ବେଳେ ଉଭୟ କ୍ୟାସିଅର ଓ ସଭାପତି ଟଙ୍କା ହଡ଼ପ କରିଥିବା ପୋଲିସ ପ୍ରମାଣ ପାଇଥିଲା । ଯାହାପରେ ପୋଲିସ ଆଜି ୨ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି ।
ଇଟିଭି ଭାରତ, ବଲାଙ୍ଗୀର
