ବଲାଙ୍ଗୀର: ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ତଥା 5T ସଚିବ ଭି କେ ପାଣ୍ଡିଆନଙ୍କ ଅଚାନକ ବଲାଙ୍ଗୀର ମେଡିକାଲ ପରିଦର୍ଶନ କରିଛନ୍ତି। ଏହି ଗସ୍ତରେ ମା ଓ ଶିଶୁ ବିଭାଗ ସହ ଭେଷଜ ଓ କର୍କଟ ବିଭାଗ ବୁଲି ଦେଖିବା ସହ ରୋଗୀଙ୍କ ସହ ଆଲୋଚନା କରିଛନ୍ତି । ଏହାସହ ନିରାମୟ ଯୋଜନା, ରନ୍ଧା ଖାଦ୍ୟ ଇତ୍ୟାଦି ସୁବିଧାର ସମୀକ୍ଷା କରିଛନ୍ତି ।
ଗୁରୁବାର ଫ୍ଲାଇଟ ଯୋଗେ ବଲାଙ୍ଗୀର ତୁସୁରା ବିମାନ ବନ୍ଦରରେ ପହଞ୍ଚିଥିଲେ । ପରେ ବଲାଙ୍ଗୀର ଭୀମ ଭୋଇ ମେଡିକାଲ କଲେଜରେ ପହଞ୍ଚି ସ୍ଥିତି ସମୀକ୍ଷା କରିଥିଲେ । ତାଙ୍କ ସହ ଓଡିଶା ମୁଖ୍ୟ ଶାସନ ସଚିବ, ଏନଆର ଏଚ ଏମର ମିଶନ ନିର୍ଦ୍ଦେଶିକା ପ୍ରମୁଖ ଏହି ଗସ୍ତରେ ସାମିଲ ଥିଲେ। ତେବେ ଏହି ଗସ୍ତରେ ସେ ପ୍ରଥମେ ମା ଓ ଶିଶୁ ବିଭାଗ ସହ ଭେଷଜ ଓ କର୍କଟ ବିଭାଗ ବୁଲି ଦେଖିବା ସହ ରୋଗୀଙ୍କ ସହ ଆଲୋଚନା କରିଛନ୍ତି ।
ସମସ୍ତ ସମୀକ୍ଷା ସାରିବା ପରେ ଡାକ୍ତରଙ୍କ ସହ ଆଲୋଚନା କରିଥିଲେ । ଏଥିରେ ସବୁ ଡାକ୍ତରଙ୍କ ସମେତ କଲେଜ ଡିନ୍, ସୁପରିଟେଣ୍ଡେଣ୍ଟ, ଜିଲ୍ଲାପାଳ ଓ ଏସପି ପ୍ରମୁଖ ଏଥିରେ ସାମିଲ ଥିଲେ । ତେବେ ଏହି ଆଲୋଚନାରେ ଏଠାକାର ଭିତ୍ତିଭୂମି ପରଖି ଥିବାର ଜଣା ପଡ଼ିଛି । ସେହିପରି ଅଭାବ ଥିବା ଡାକ୍ତର, ନର୍ସ ଓ ଟେକନିସିଆନ୍ ପଦବୀ ପୂରଣ କରିବା ପାଇଁ ପଦକ୍ଷେପ ନେବେ ବୋଲି ଆଶା ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
