ବଲାଙ୍ଗୀର: ରାତି ପହିଲେ ନୂଆଁଖାଇ ପର୍ବ ସାରା ପଶ୍ଚିମ ଓଡ଼ିଶାରେ ପାଳିତ ହେବ । ଏଥିପାଇଁ ପଶ୍ଚିମ ଓଡିଶାର ଇଷ୍ଟ ଦେବୀ ମାନଙ୍କ ଠାରେ ନୂଆ ପୂଜା ସାମଗ୍ରୀ ଲାଗି ହୋଇଛି । ଆଉ ବଲାଙ୍ଗୀରରେ ଖୁବ ଧୁମଧାମରେ ସମ୍ପନ୍ନ ହୋଇଛି ପାହୁର ଯାତ୍ରା।
ଇଷ୍ଟଦେବୀ ମା ସମଲେଇ ଓ ମା ପାଟଣେଶ୍ବରୀଙ୍କ ଠାରେ ପହଞ୍ଚିଛି ନୂଆଁଖାଇ ପାଇଁ ସମସ୍ତ ସାମଗ୍ରୀ । ବଲାଙ୍ଗୀରର ବିଭିନ୍ନ ସାଂସ୍କୃତିକ ସଂଗଠନ ମିଳିତ ଭାବରେ ପାହୁର ଯାତ୍ରାର ଆୟୋଜନ କରିଥିଲେ । ଏହି ପାହୁର ଯାତ୍ରା ସହର ପରିକ୍ରମା କରିଯିବା ସହ ମା ସମଲେଇ ଓ ମା ପାଟଣେଶ୍ବରୀଙ୍କ ଠାରେ ପୂଜା ପାଇଁ ନୂଆ ସାମଗ୍ରୀ ଅର୍ପଣ କରିଛନ୍ତି ।
ଏଥିରେ ମାଙ୍କ ଧ୍ବଜା ଠାରୁ ଆରମ୍ଭ କରି ବସ୍ତ୍ର, ବାସନ-କୁସନ, କୁରେ ପତ୍ର ସବୁ ନୂଆ ଲାଗି ହେବ । ମଙ୍ଗଳବାର ଧାର୍ଯ୍ୟ ଲଗ୍ନ ଅନୁସାରେ ମାଙ୍କ ଠାରେ କୁରେ ପତ୍ରରେ ମା’ଙ୍କ ଠାରେ ନବାନ୍ନ ଲାଗି ହେବ । ଯାହା ପରେ ସାଧରଣ ଲୋକେ ନିଜ ନିଜ ଘରେ ନୂଆ ଖାଇବା ସହ ସବୁ ରାଗ ଋଷା ଭୁଲି ଏହି ମୈତ୍ରୀ ଓ ଭାତ୍ରୁଭାବର ପର୍ବକୁ ଧୁମ ଧାମରେ ପାଳନ କରିବେ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
