ବଲାଙ୍ଗୀର: ପୁଣି ଜଣେ ଭାଇ ସମ୍ପତ୍ତି ପାଇଁ ନିଜ ଭାଇକୁ ହତ୍ୟା କରିଥିବାର ଅଭିଯୋଗ ହୋଇଛି । ବଲାଙ୍ଗୀର ଲୋଇସିଂହା ବ୍ଲକ କୁସମେଲ ଗ୍ରାମରେ ଏହି ଘଟଣା ଘଟିଛି ।
ତେବେ ଆଜି(ସୋମବାର) ଏହି ଗାଁ ନିକଟ ଭାଲୁ ଡୁଙ୍ଗୁରୀ ପାହାଡ଼ ନିକଟରେ ଜଣେ ବ୍ୟକ୍ତିର ରକ୍ତାକ୍ତ ମୃତଦେହ ପଡିଥିବାର ଲୋକେ ଦେଖିଥିଲେ । ପରେ ବଲାଙ୍ଗୀର ସଦର ପୋଲିସକୁ ଏହାର ଖବର ଦେଇଥିଲେ । ତେବେ ପୋଲିସ୍ ଘଟଣା ସ୍ଥଳରେ ଯାଇ ତଦନ୍ତ ଆରମ୍ଭ କରିଥିବା ବେଳେ ମୃତ ବ୍ୟକ୍ତି ଜଣକ ସ୍ଥାନୀୟ କୁସମେଲ ଗ୍ରାମର ଚନ୍ଦ୍ର କର୍ଚେଲ ବୋଲି ଜଣା ପଡିଥିଲା ।
ସେପଟେ ମୃତକଙ୍କ ପରିବାର ଲୋକେ ମୃତଦେହକୁ ଆସି ଚିହ୍ନଟ କରିଥିବା ବେଳେ ତାଙ୍କ ନିଜ ସାନ ଭାଇ ନିରୋଜ୍ କର୍ଚେଲ୍ ସମ୍ପତ୍ତି ପାଇଁ ତାଙ୍କୁ ହତ୍ୟା କରିଥିବାର ପୋଲିସ୍ ପାଖରେ ଏମାନେ ଅଭିଯୋଗ କରିଛନ୍ତି । ତେବେ ପୋଲିସ୍ ଏହି ଘଟଣାରେ ସାନ ଭାଇ ନୀରୋଜ କର୍କେଲକୁ ଅଟକ ରଖି ଅଧିକ ତଦନ୍ତ କରୁଥିବାର ସୂଚନା ମିଳିଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
