ବଲାଙ୍ଗୀର: ନୂଆବର୍ଷରେ ଅଘଟଣ । ଭୋଜି କରିବାକୁ ଯାଇ ଆଉ ଘରକୁ ଫେରିଲେନି ବ୍ୟକ୍ତି । ଜଙ୍ଗଲରେ ବ୍ୟକ୍ତିଙ୍କୁ ନିର୍ମମ ହତ୍ୟା କରାଯାଇଥିବା ଅଭିଯୋଗ ଆଣିଛି ପରିବାର । ଏଭଳି ଘଟଣା ଦେଖିବାକୁ ମିଳିଛି ବଲାଙ୍ଗୀର ବେଲାପଡା ଥାନା ଅନ୍ତର୍ଗତ ତଅଁଲ ଗ୍ରାମରେ। ତେବେ ମୃତବ୍ୟକ୍ତି ଜଣକ ହେଉଛନ୍ତି ଉକ୍ତ ଗ୍ରାମର ପୁରୁଷୋତ୍ତମ ବେହେରା ବୋଲି ଜଣାପଡିଛି ।
ସୂଚନା ମୁତାବକ, ପୁରୁଷୋତ୍ତମ ବେହେରା ଘରେ ଥିବା ବେଳେ ତାଙ୍କ ପାଖକୁ କେହି ଜଣେ ଫୋନ୍ କରିଥିଲେ । ଏଥିସହ ନୂଆ ବର୍ଷ ବଣ ଭୋଜି ପାଇଁ ପାଖ ନର୍ସରୀକୁ ଡାକିଥିଲେ । ସେପଟେ ପୁରୁଷୋତ୍ତମ ଘରୁ ସେଠାକୁ ଯାଇ ଆଉ ଫେରି ନ ଥିଲେ । ଯାହା ପରେ ତାଙ୍କ ଘର ଲୋକେ ଓ ସମ୍ପର୍କୀୟ ସଂପୃକ୍ତ ସ୍ଥାନକୁ ଯାଇ ଖୋଜା ଖୋଜି କରିଥିଲେ । ସେଠି ତାଙ୍କର ମୋଟର ସାଇକେଲ ଥିବା ବେଳେ ନିକଟ ଏକ ଗର୍ତ୍ତରେ ତାଙ୍କର ରକ୍ତାକ୍ତ ମୃତଦେହ ପଡିଥିବାର ଦେଖିଥିଲେ । ତେବେ ଏହାର ଅଭିଯୋଗ ବେଲପଡ଼ା ଥାନାରେ କରିବା ପରେ ପୋଲିସ୍ ଓ ସାଇନଟିଫିକ ଟିମ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ତେବେ ତଦନ୍ତ ପରେ ସବୁ ତଥ୍ୟ ଜଣା ପଡ଼ିବ ବୋଲି ପୋଲିସ୍ ସୂଚନା ଦେଇଛି ।
ଇଟିଭି ଭାରତ, ବଲାଙ୍ଗୀର
