ବଲାଙ୍ଗୀର: ମମିତା ମେହେର ହତ୍ୟାକାଣ୍ଡ ଘଟଣା । ଆଜି ହତ୍ୟାରେ ବ୍ୟବହୃତ ଜେସିବି ଓ ସ୍କୁଟି ଜବତ କରିଛି ସିନ୍ଧେକେଲା ପୋଲିସ। ତେବେ ପୂର୍ବରୁ ଏହି ମାମଲାରେ ପୋଲିସ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଓ ତାର ଡ୍ରାଇଭର ରାଧେକୁ ଗିରଫ କରି ପୋଲିସ କୋର୍ଟ ଚାଲାଣ କରିଛି । ହତ୍ୟାକାଣ୍ଡ ପରେ ମୃତଦେହକୁ ନଷ୍ଟ କରି ଗାତ ଖୋଳି ପୋତିବା ପାଇଁ ବ୍ୟବହୃତ ହୋଇଥିଲା ଏହି ଜେସିବି ।
ମମିତା ମେହେର ହତ୍ୟାକାଣ୍ଡ ଘଟଣା ; ଜେସିବି ଓ ସ୍କୁଟି ଜବତ
ତେବେ,ଘଟଣାକୁ ୨୦ ଦିନ ବିତି ଯାଇଥିଲେ ମଧ୍ୟ ଥମିନି ହତ୍ୟାକାଣ୍ତର ତାତି । ଘଟଣାକୁ ନେଇ ରାଜନୀତି ମଧ୍ୟ ଆରମ୍ଭ ହୋଇଯାଇଛି । ମନ୍ତ୍ରୀ ଦିବ୍ୟ ଶଙ୍କରଙ୍କ ବହିଷ୍କାର ଦାବି କରିଥିଲେ ବିରୋଧୀ । ମମିତାଙ୍କୁ ନ୍ୟାୟ ପ୍ରଦାନ ଦାବିରେ ସାରା ରାଜ୍ୟରେ ବିଜେପି ପକ୍ଷରୁ ହରାତାଳ କରାଯିବା ସହ ବିକ୍ଷୋଭ ମଧ୍ୟ କରାଯାଉଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
