ବଲାଙ୍ଗୀର: ବେଆଇନ ମଦ ବିକ୍ରି କରିବା ପାଇଁ ନୂଆ ନୂଆ ଫଣ୍ଡା ଆପଣାଉଛନ୍ତି ପେଷାଗତ ଅପରାଧୀ । ପ୍ରଶାସନ ଆଖିରେ ଧୂଳି ପକାଇ ହେଉଛି ଦେଶୀ ମଦ ବିକ୍ରି । ଆଉ ଏହି ଫଣ୍ଡାର ପଦ୍ଦାଫାଶ କରିଛି ବଲାଙ୍ଗୀର ଟାଉନ ପୋଲିସ । ବୁଧବାର ଏଭଳି ଏକ ପେଶାଦାର ବେଆଇନ ମଦ କାରବାରୀ ଠିକଣାରେ ଚଢାଉ କରି ଗିରଫ କରିଛି ପୋଲିସ ।
ବଲାଙ୍ଗୀରର ଖର୍ସେଲ ପଡ଼ାର କିଶୋର ଠେଲା ଦୀର୍ଘ ଦିନ ଧରି ଏହି ଭଳି ଥଣ୍ଡା ପାନୀୟ ବୋତଲରେ ଦେଶୀ ମଦ ଭର୍ତ୍ତି କରି କାରବାର କରି ଆସୁଥିଲା । ତେବେ ପୋଲିସ୍ ଆଜି ଏହାର ଖବର ପାଇ ଚଢ଼ାଉ କରିଥିବା ବେଳେ ସଂପୃକ୍ତ ଅଭିଯୁକ୍ତକୁ ଗିରଫ କରିଛି । ତାଠାରୁ 50 ଟି ଦେଶୀ ମଦ ଭର୍ତ୍ତି ଥଣ୍ଡା ପାନୀୟ ବୋତଲ ଓ ଦଶ ଲିଟର ଦେଶୀ ମଦ ପୋଲିସ ଜବତ କରିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ , ଇଟିଭି ଭାରତ
