ବଲାଙ୍ଗୀର: ଶୀତଳ ଷଷ୍ଠୀ ଯାତ୍ରାରେ ଉତ୍ସବମୁଖର ପୁରା ସହର । ଦେବ ଦେବ ମହାଦେବ ଓ ମାତା ପାର୍ବତୀଙ୍କର ଶୁଭ ବିବାହ ପରେ ଆଜି(ସୋମବାର) ଦେବଦମ୍ପତି ଘର ବାହୁଡ଼ା କରିଛନ୍ତି । ଭକ୍ତଙ୍କୁ ଯୁଗଳ ମୂର୍ତ୍ତି ଦର୍ଶନର ସୁଯୋଗ ମିଳିଛି । ଏଥିପାଇଁ ହଜାର ହଜାର ଭକ୍ତଙ୍କ ସୁଅ ଛୁଟିଛି ବଲାଙ୍ଗୀର ସହରକୁ ।
ବଲାଙ୍ଗୀରରେ ଶୀତଳଷଷ୍ଠୀ ଯାତ୍ରା: ଦେବଦମ୍ପତିଙ୍କ ଘର ବାହୁଡ଼ା, ଛୁଟିଲା ଭକ୍ତଙ୍କ ସୁଅ
ତେବେ ବିଭିନ୍ନ ପୂଜା କମିଟି ବିରାଟ ପଟୁଆରରେ ଦେବଦମ୍ପତିଙ୍କୁ ପାଛୋଟି ନେଇଛନ୍ତି । ଏଥିରେ ପାରମ୍ପରିକ ଲୋକନୃତ୍ୟ ଓ ଗୀତରେ ସାରା ସହର ପ୍ରକମ୍ପିତ ହେଉଛି । ସମାନ ଭାବରେ ବିଭିନ୍ନ ଲୋକ କଳା ଓ ସଂସ୍କୃତିର ଝଲକ ମଧ୍ୟ ଦେଖିବାକୁ ମିଳିଛି । କଳାକାର ମାନେ ବିଭିନ୍ନ ଆଧୁନିକ ଓ ସମ୍ବଲପୁରୀ ଗୀତ ପରିବେଷଣ କରି ଦର୍ଶକଙ୍କ ମନୋରଞ୍ଜନ କରିଛନ୍ତି । ପ୍ରବଳ ଜନ ସମାଗମକୁ ଦୃଷ୍ଟିରେ ରଖି ପୋଲିସ ଓ ପ୍ରଶାସନ ତରଫରୁ କଡ଼ା ବନ୍ଦୋବସ୍ତ କରାଯାଇଛି ।
ଇଟିଭି ଭାରତ, ବଲାଙ୍ଗୀର
